ମୁମ୍ବାଇ: ନିକଟରେ ବଲିଉଡ୍ ଅଭିନେତା ଅରବାଜ ଖାନ୍ ମେକଅପ୍ କଳାକାର ଶୌରା ଖାନ୍ଙ୍କୁ ବିବାହ କରିଛନ୍ତି। ଏହା ଅରବାଜଙ୍କର ଦ୍ୱିତୀୟ ବିବାହ। ବିବାହ ପରେ ଅରବାଜ ତାଙ୍କ ସ୍ତ୍ରୀଙ୍କ ସହିତ ନୂଆବର୍ଷ ଏବଂ ହନିମୁନ୍ ପାଇଁ ବାହାରିଛନ୍ତି। ଶନିବାର ତାଙ୍କୁ ସ୍ତ୍ରୀଙ୍କ ସହ ମୁମ୍ବାଇ ବିମାନବନ୍ଦରରେ ଦେଖିବାକୁ ମିଳିଥିଲା। ଏହି ଦମ୍ପତି ବିମାନବନ୍ଦରରେ ଫଟୋ ପାଇଁ ମଧ୍ୟ ପୋଜ ଦେଇଥିଲେ। ଏହି ସମୟ ମଧ୍ୟରେ ଦୁହେଁ ବହୁତ ଖୁସି ଦେଖାଯାଉଥିଲେ। ଯାହାର ଭିଡିଓ ଆଜି ସାମ୍ନାକୁ ଆସିଛି। ଦମ୍ପତି କାଜୁଆଲ ଲୁକ୍ରେ ବିମାନବନ୍ଦରରେ ନଜର ଆସିଥିଲେ।
ନୀଳ ଜିନ୍ସ ଏବଂ କଳା ଟି-ଶର୍ଟରେ ଅରବାଜଙ୍କୁ ଦେଖିବାକୁ ମିଳିଥିବା ବେଳେ ଶୌରା ଏକ ଧୂସର ରଙ୍ଗର କୋ-ଅର୍ଡ ସେଟ୍ ପିନ୍ଧିଥିଲେ। ସେ ଏକ କଳା ବ୍ୟାଗ୍, କଳା କ୍ୟାପ୍ ପିନ୍ଧିଛନ୍ତି।
ଡିସେମ୍ବର ୨୪ରେ ଅଭିନେତାଙ୍କ ଭଉଣୀ ଅର୍ପିତା ଖାନ୍ ଶର୍ମାଙ୍କ ଘରେ ଅରବାଜ ଏବଂ ଶୌରାଙ୍କ ବିବାହ ହୋଇଥିଲା। ଏହି ବିବାହରେ କେବଳ ପରିବାର ଏବଂ ଦମ୍ପତିଙ୍କ ନିକଟତର ଲୋକମାନେ ଯୋଗ ଦେଇଥିଲେ। ବିବାହ ପରେ ଅରବାଜ ସୋସିଆଲ ମିଡିଆରେ ପୋଷ୍ଟ କରି ବିବାହ ବିଷୟରେ ତାଙ୍କ ପ୍ରଶଂସକଙ୍କୁ ସୂଚନା ଦେଇଥିଲେ।
ଅରବାଜ ତାଙ୍କ ପରିବାର ସହ ବିବାହ ଫଟୋ ଶେୟାର କରିଥିଲେ। ଯେଉଁଥିରେ ସଲମାନ ଖାନ, ସୋହେଲ ଖାନ, ଅର୍ପିତା ଖାନ, ଅଲଭିରା ଖାନ ଅଗ୍ନିହୋତ୍ରୀ, ଆୟୁଷ ଶର୍ମା ଏବଂ ଅରହାନ ଖାନ ରହିଥିଲେ। ଫଟୋରେ କ୍ୟାପଶନ ଲେଖାଥିଲା, ମୋର ପ୍ରିୟ ଲୋକଙ୍କ ଉପସ୍ଥିତିରେ, ମୋର ପ୍ରେମ ଏବଂ ମୁଁ ଆଜିଠାରୁ ଜୀବନ ପାଇଁ ଏକାଠି ହେଲୁ। ତୁମର ସମସ୍ତ ଆଶୀର୍ବାଦ ଏବଂ ଶୁଭେଚ୍ଛା ଦରକାର।
ଅରବାଜଙ୍କ ପ୍ରଥମ ବିବାହ ମଲାଇକା ଆରୋରାଙ୍କ ସହ ହୋଇଥିଲା। ସେମାନେ ୨୦୧୬ରେ ଅଲଗା ହୋଇଥିଲେ ଏବଂ ୨୦୧୭ରେ ସେମାନଙ୍କର ଆନୁଷ୍ଠାନିକ ଭାବରେ ଛାଡ଼ପତ୍ର ହୋଇଥିଲା। ସେମାନଙ୍କର ଏକ ପୁଅ ଅରହାନ ଅଛି। ଅରବାଜ ମଧ୍ୟ ଜର୍ଜିଆ ଆଣ୍ଡ୍ରିଆନିଙ୍କୁ ଡେଟ୍ କରିଥିଲେ। କିନ୍ତୁ ସେମାନେ ଗତ ବର୍ଷ ଅଲଗା ହୋଇଯାଇଥିଲେ।