ନୂଆଦିଲ୍ଲୀ,୫।୫: ଗୁଗଲ ପକ୍ଷରୁ ଅର୍ଚ୍ଚନା ଗୁଲାଟିଙ୍କୁ କମ୍ପାନୀ ପାଇଁ ଦେଶର ନୂତନ ପବ୍ଲିକ୍ ପଲିସି ମୁଖ୍ୟ ଦାୟିତ୍ୱ ଦିଆଯାଇଛି। ଗୁଲାଟୀ ପୂର୍ବରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଫେଡେରାଲ୍ ଥିଙ୍କ୍-ଟ୍ୟାଙ୍କ୍ ଏବଂ ଦେଶର ଆଣ୍ଟିଟ୍ରଷ୍ଟ ଓ୍ବାଚ୍ଡଗ୍ ପାଇଁ କାର୍ଯ୍ୟ କରିଛନ୍ତି। ଏହାଛଡ଼ା ତାଙ୍କ ଲିଙ୍କ୍ଡ ଇନ୍ ପ୍ରୋଫାଇଲ ଅନୁସାରେ ପୂର୍ବରୁ ୨୦୧୪-୨୦୧୬ ମଧ୍ୟରେ ଦେଶର ଆଣ୍ଟିଟ୍ରଷ୍ଟ ସଂସ୍ଥା, ଭାରତୀୟ କମ୍ପିଟିସନ କମିଶନର ଜଣେ ବରିଷ୍ଠ ଅଧିକାରୀ ଭାବରେ କାର୍ଯ୍ୟ କରିଥିଲେ। ଗୁଗଲ ଇଣ୍ଡିଆର ମୁଖପାତ୍ର ଗଣମାଧ୍ୟମକୁ ଏ ସମ୍ପର୍କରେ ସୂଚନା ଦେଇଥିଲେ ମଧ୍ୟ ଗୁଲାଟିଙ୍କ ସମ୍ପର୍କରେ ବିଶେଷ କୌଣସି ତଥ୍ୟ ପ୍ରଦାନ କରିନାହାନ୍ତି।
