ରାଞ୍ଚତ୍, ୩୦।୬- ଭାରତୀୟ ତୀରନ୍ଦାଜୀ କ୍ରୀଡ଼ାର ଦୁଇ ସଫଳ ତୀରନ୍ଦାଜ ଦୀପିକା କୁମାରୀ ଓ ଅତନୁ ଦାସ ମଙ୍ଗଳବାର ପରସ୍ପର ବିବାହ ବନ୍ଧନରେ ଆବଦ୍ଧ ହୋଇଛନ୍ତି। ରାଞ୍ଚତ୍ ମୋହରବାଦିସ୍ଥିତ ଏକ ହଲ୍ରେ ଏହି ଦୁଇ ଅନ୍ତର୍ଜାତୀୟ ତୀରନ୍ଦାଜଙ୍କ ବିବାହ ଅନୁଷ୍ଠିତ ହୋଇଥିଲା। ମହାମାରୀ କରୋନା ଭାଇରସ କଟକଣା ଯୋଗୁ କ୍ରୀଡ଼ା ଜଗତର ଏହି ଚର୍ଚ୍ଚିତ ବିବାହ ଉତ୍ସବରେ ବହୁତ କମ୍ ଲୋକଙ୍କୁ ନିମନ୍ତ୍ରଣ କରାଯାଇଥିଲା। କନ୍ୟା ଘର ପକ୍ଷରୁ ମାତ୍ର ୫୦ କାର୍ଡ ଅତିଥିଙ୍କୁ ବଣ୍ଟନ କରାଯାଇଥିବା ଜଣାପଡ଼ିଛି। ସେହିଭଳି କୋଲକାତାରୁ ଆସିଥିବା ଅତନୁଙ୍କ ପକ୍ଷରୁ ମଧ୍ୟ କମ୍ ଲୋକ ବରଯାତ୍ରୀରେ ସାମିଲ ହୋଇଥିଲେ। ଗୋଟିଏ ଦିନ ପୂର୍ବରୁ ଅର୍ଥାତ ସୋମବାର ବରଯାତ୍ରୀ ଦଳ ରାଞ୍ଚତ୍ରେ ପହଞ୍ଚତ୍ ଯାଇଥିବା ଜଣାପଡ଼ିଛି। ଏହି ଅବସରରେ ଝାଡ଼ଖଣ୍ଡର ପୂର୍ବତନ ମୁଖ୍ୟମନ୍ତ୍ରୀ ରଘୁବର ଦାସ ବିବାହ ଉତ୍ସବରେ ଯୋଗ ଦେଇ ନବଦମ୍ପତ୍ତିଙ୍କୁ ଆଶୀର୍ବାଦ କରିଥିବା ଜଣାପଡ଼ିଛି। ତେବେ କେନ୍ଦ୍ରମନ୍ତ୍ରୀ ତଥା ଭାରତୀୟ ତୀରନ୍ଦାଜୀ ସଂଘର ଅଧ୍ୟକ୍ଷ ଅର୍ଜୁନ ମୁଣ୍ଡା ଜରୁରୀ ବୈଠକ ଲାଗି ଏହି ବିବାହ ଉତ୍ସବରେ ଯୋଗ ଦେଇପାରି ନ ଥିଲେ। ଦୀପିକାଙ୍କ ପରିବାର ପକ୍ଷରୁ କଡ଼ା ସୁରକ୍ଷା ବ୍ୟବସ୍ଥା ଆୟୋଜନ ହୋଇଥିଲା। ଭିନ୍ନ ଭିନ୍ନ ଅତିଥିଙ୍କ ପାଇଁ ଅଲଗା ଅଲଗା ସମୟ ନିର୍ଦ୍ଧାରିତ କରାଯାଇଥିଲା। ଦୀପିକାଙ୍କ ପରିବାର ପକ୍ଷରୁ ମାକ୍ସ ପରିଧାନ କରାଯାଇ ଅତିଥିଙ୍କୁ ସ୍ବାଗତ କରାଯାଇଥିବା ଦେଖିବାକୁ ମିଳିଥିଲା। ଏଠାରେ ଉଲ୍ଲେଖଯୋଗ୍ୟ, ଏହି ଦୁଇ ଅଲିମ୍ପିଆନ ୨୦୦୮ରେ ପରସ୍ପର ପରିଚିତ ହୋଇଥିଲେ। ଏହାପରେ ୨୦୧୮ରେ ଉଭୟଙ୍କ ନିର୍ବନ୍ଧ ଅନୁଷ୍ଠିତ ହୋଇଥିଲା।
