ଲଣ୍ଡନ, ୧୫ା୫ (ପି.ଟି.)- ଆଘାତଜନିତ ସମସ୍ୟାରୁ ମୁକୁଳିବା ପରେ ଇଂଲଣ୍ଡ ସ୍ପିଡ୍ଷ୍ଟର ଜୋଫ୍ରା ଆର୍ଚର କ୍ରିକେଟକୁ ସଫଳ ପ୍ରତ୍ୟାବର୍ତ୍ତନ କରିଛନ୍ତି। କୋଭିଡ୍ ପାଇଁ ବର୍ତ୍ତମାନ ସସ୍ପେଣ୍ଡ ଥିବା ଆଇପିଏଲ୍ ଯଦି ବର୍ଷର ପରବର୍ତ୍ତୀ ଭାଗରେ ଖେଳାଯାଏ ତେବେ ସେ ଖେଳିବାକୁ ଚାହାନ୍ତି ବୋଲି କହିଛନ୍ତି। ଇଂଲଣ୍ଡର ଭାରତ ଟୁର୍ ବେଳେ ଏହି ୨୬ ବର୍ଷୀୟ ବୋଲରଙ୍କ କହୁଣିରେ ଆଘାତ ଲାଗିଥିଲା। ଫଳରେ ସେ ଆଇପିଏଲ୍ରେ ଖେଳିପାରି ନ ଥିଲେ। ଇଞ୍ଜୁରିରୁ ମୁକ୍ତି ପାଇବା ପରେ ଆର୍ଚର କାଉଣ୍ଟି କ୍ରିକେଟରେ ସସେକ୍ସ ଟିମ୍ ତରଫରୁ ଖେଳୁଛନ୍ତି। ଗୁରୁବାର କେଣ୍ଟ୍ ବିପକ୍ଷ ମ୍ୟାଚରେ ସେ ତାଙ୍କ ୧୩ ଓଭର ବୋଲିଂ କରି ୨୯ ରନ ବିନିମୟରେ ୨ ଉଇକେଟ ଅକ୍ତିଆର କରିପାରିଛନ୍ତି।