ଲଣ୍ଡନ,୨୭।୫(ପି.ଟି.): ଇଂଲଣ୍ଡ ଦ୍ରୁତ ବୋଲର ଜୋଫ୍ରା ଆର୍ଚର ତାଙ୍କ ଡାହାଣ କହୁଣିରେ ଅସ୍ତ୍ରୋପଚାର କରାଇଛନ୍ତି। ଦୀର୍ଘଦିନ ଧରି ସେ ଏଲ୍ବୋ ଇଞ୍ଜୁରି ଦେଇ ଗତି କରୁଥିଲେ ବୋଲି ଇଂଲଣ୍ଡ ଓ ଓ୍ବେଲ୍ସ କ୍ରିକେଟ ବୋର୍ଡ (ଇସିବି) ତରଫରୁ କୁହାଯାଇଛି। ତେବେ ସେ କ୍ରିକେଟକୁ କେବେ ଫେରିବେ ସେ ନେଇ ଇସିବି କୌଣସି ସୂଚନା ଦେଇନାହିଁ। ୨୬ ବର୍ଷୀୟ ଆର୍ଚର ଇଣ୍ଡିଆନ ପ୍ରିମିୟର ଲିଗ୍ (ଆଇପିଏଲ୍) ପୂର୍ବରୁ ପ୍ରତ୍ୟାବର୍ତ୍ତନ କରିଥିଲେ। ଗତ ମାର୍ଚ୍ଚରେ ତାଙ୍କର ହ୍ୟାଣ୍ଡ ସର୍ଜରୀ ମଧ୍ୟ ହୋଇଥିଲା ଓ ପ୍ରଥମଶ୍ରେଣୀ କ୍ରିକେଟକୁ ସେ ପ୍ରତ୍ୟାବର୍ତ୍ତନ କରିଥିଲେ। ଏବେ ସେ ରିହାବିଲିଟେଶନ ପ୍ରୋଗ୍ରାମରେ ସାମିଲ ହେବେ। ଇସିବି ଓ ସସେକ୍ସ ମେଡିକାଲ ଟିମ୍ ତାଙ୍କୁ ଏଥିରେ ସହାୟତା ପ୍ରଦାନ କରିବେ। ଟି୨୦ ବିଶ୍ୱକପ୍ ଓ ଆଶେସ ପୂର୍ବରୁ ଆର୍ଚର ସମ୍ପୂର୍ଣ୍ଣ ରୂପେ ସୁସ୍ଥ ହୋଇଥିବେ ବୋଲି ଆଶା କରାଯାଉଛି।