କଣାସ ୧୨ା୭(ସ୍ବ.ପ୍ର.):କଣାସ ବ୍ଲକ ଅନ୍ତର୍ଗତ ଗଡ଼ିଶାଗୋଦା ପଞ୍ଚାୟତ ନୂଆଗଁା ଗ୍ରାମର ଷଷ୍ଠ ଶ୍ରେଣୀ ଛାତ୍ରୀ ଅର୍ଚ୍ଚିତା ଶ୍ରୀଚନ୍ଦନ ‘ମାମା ମୂର୍ଚ୍ଛନା’ ନାମକ ଏକ ପୁସ୍ତକ ରଚନା କରିଛନ୍ତି। ରବିବାର ପୁରୀଠାରେ କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କୁ ଭେଟି ଅର୍ଚ୍ଚିତା ନିଜ ଲିଖିତ ଏହି ପୁସ୍ତକ ପ୍ରଦାନ କରିଛନ୍ତି। କେନ୍ଦ୍ର ଶିକ୍ଷା ମନ୍ତ୍ରୀ ପ୍ରଧାନ ଉକ୍ତ ପୁସ୍ତକ ସମ୍ପର୍କରେ ଅର୍ଚ୍ଚିତାଙ୍କୁ ପଚାରି ବୁଝିବା ସହ ନିରନ୍ତର ସାହିତ୍ୟ ସୃଷ୍ଟି ଜାରି ରଖିବାକୁ ପରାମର୍ଶ ଦେବା ସହ ଏ ଦିଗରେ ଉତ୍ସାହ ପ୍ରଦାନ କରିଥିଲେ। ଅର୍ଚ୍ଚିତାଙ୍କ ପ୍ରତିଭା ସମ୍ପର୍କରେ ବିସ୍ତୃତ ତଥ୍ୟ ଗବେଷକ ମହେଶ ସାହୁ ଅବଗତ କରାଇବା ପରେ ପ୍ରଧାନ ତାଙ୍କୁ ଶୁଭେଚ୍ଛା ଜଣାଇ ତାଙ୍କ ପାଠପଢା ବିଷୟରେ ପଚାରି ବୁଝିଥିଲେ। ସୂଚନା ଥାଉ କି, ତୃତୀୟ ଶ୍ରେଣୀରେ ପଢୁଥିବା ବେଳେ ଅର୍ଚ୍ଚିତା ଏହି ପୁସ୍ତକ ଲେଖିଥିଲେ। ଏହା ପ୍ରକାଶ ପାଇବା ପରେ ସେ ଚର୍ଚ୍ଚାର ପରିସରକୁ ଆସିଥିଲେ ।