ବିଶ୍ୱରେ କରୋନା ମହାମାରୀ କାୟା ବିସ୍ତାର କରିଚାଲିଥିବା ବେଳେ ଅନେକ ଦେଶ ଏଥିରେ କବଳିତ। ଦିନକୁ ଦିନ ସଂକ୍ରମିତଙ୍କ ସଂଖ୍ୟା ବଢୁଥିବା ବେଳେ ମୃତ୍ୟୁସଂଖ୍ୟା ମଧ୍ୟ ବଢ଼ିଚାଲିଛି। ଏହି ରୋଗରୁ ମୁକ୍ତି ପାଇବା ପାଇଁ ଆଜିପର୍ଯ୍ୟନ୍ତ କୌଣସି ସଫଳ ଔଷଧ ବାହାରିନାହିଁ। ଫଳରେ ସାମାଜିକ ଦୂରତା, ମାସ୍କ ଏବଂ ହାତ ସାଇଟାଇଜ୍ କରିବା ହେଉଛି ଏକମାତ୍ର ବିକଳ୍ପ। ତେବେ ସାନିଟାଇଜର ଭୂତାଣୁ ମାରିଥାଏ ସତ, ହେଲେ ଏହାର ବ୍ୟବହାର କେଉଁ ସମୟରେ କରାଯିବା ଉଚିତ୍ କେଉଁ ସମୟରେ କରିବା ଉଚିତ୍ ନୁହେଁ ଜାଣନ୍ତୁ ସେ ସମ୍ପର୍କରେ…
ଅଧିକାଂଶ ଲୋକ ଖାଇବା ପୂର୍ବରୁ ସାନିଟାଇଜର ବ୍ୟବହାର କରନ୍ତି, ଏହା ଦ୍ୱାରା ଭୂତାଣୁ ମରିଥାଏ ସତ। ମାତ୍ର ଏଥିରେ ମିଶିଥିବା ଆଲକହଲ ଏବଂ ରାସାୟନିକ ପଦାର୍ଥ ପେଟ ଭିତରକୁ ଯାଇ ନାନା ରୋଗ ସୃଷ୍ଟି କରିଥାଏ।
ସେହିପରି ଅଧିକାଂଶ ଲୋକ କରୋନାଠାରୁ ବର୍ତ୍ତିବା ପାଇଁ ଅଫିସରେ କିଛି ସମୟ ଅନ୍ତରରେ ହାତରେ ସାନିଟାଇଜର ଲଗାଇଥାନ୍ତି। ମାତ୍ର ସାନିଟାଇଜର ଲଗାଇବା ପରେ ବିଭିନ୍ନ ଅଙ୍ଗ ଯଥା ଆଖି, କାନ, ନାକକୁ ସ୍ପର୍ଶ କରିଥାନ୍ତି। ଫଳରେ ସାନିଟାଇଜରରେ ଥିବା ମାତ୍ରାଧିକ ଆଲକହଲ୍ ଏବଂ ରାସାୟନିକ ପଦାର୍ଥ ଚର୍ମ ପ୍ରତି ବିପଦ ସୃଷ୍ଟି କରିଥାଏ। ଯଥା ସମ୍ଭବ ଏଥିରୁ ନିବୃତ୍ତ ରହିବା ଉଚିତ୍। କମ୍ ସାନିଟାଇଜର ବ୍ୟବହାର କରି ସାବୁନରେ ଭଲ ଭାବେ ହାତ ଧୋଇବା ସବୁଠୁ ଭଲ।
ଯଦି ମାସ୍କକୁ ସାନିଟାଇଜ୍ କରୁଥାନ୍ତି, ତେବେ ଏହା ମଧ୍ୟ ସ୍ବାସ୍ଥ୍ୟ ପକ୍ଷେ ହାନିକାରକ। କାରଣ ଏଥିରେ ଥିବା ରାସାୟନିକ ପଦାର୍ଥ ନାକ ପଟେ ପେଟ ଭିତରକୁ ଯାଇଥାଏ। ଫଳରେ ନାନା ପେଟରୋଗ ସମସ୍ୟା ଦେଖାଦିଏ। ବିଶେଷଜ୍ଞଙ୍କ ମତରେ ସାନିଟାଇଜ୍ କରିବା ଦ୍ୱାରା ଭୂତାଣୁ ମରିଥାଏ। ମାତ୍ରାଧିକ ସାନିଟାଇଜ୍ର ବ୍ୟବହାର କରିବା ଅନୁଚିତ।