ଝାରସୁଗୁଡା ଅଫିସ୍/ବ୍ରଜରାଜନଗର,୨୭।୯(ଡି.ଏନ୍.ଏ.): ଝାରସୁଗୁଡ଼ା ଜିଲା ବ୍ରଜରାଜନଗର ଥାନା ପୋଲିସ ସୋମବାର ଏକ ଜୁଆଆଡ୍ଡା ଉପରେ ଚଢାଉ କରି ୯ଜଣଙ୍କୁ ଗିରଫ କରିଛି। ଗିରଫ ଅଭିଯୁକ୍ତ ହେଲେ ରମେଶ ପ୍ରସାଦ, କୁନ୍ଦନ ସିଂହ, ରାଜ କିଶୋର ପ୍ରଧାନ, ରାଜେଶ୍ୱର ରାୟ, ହରେରାମ ପାଣ୍ଡେ, ନୃପ ତାଣ୍ଡି, ବିଜୟ ଦାସ ମହନ୍ତ, ଶତ୍ରୁଘ୍ନ ଦାସ ଓ ଅବତାର ସିଂହ ।
ପୋଲିସ ତାଙ୍କଠାରୁ ୪୪ହଜାର ୧୬୦ଟଙ୍କା ଏବଂ ୩ଟି ବାଇକ୍, ୧୦ ମୋବାଇଲ୍ ଫୋନ ଓ ତାସ୍ ଜବତ କରିଛି। ଏନେଇ ବ୍ରଜରାଜନଗର ପୋଲିସ ଏକ ମାମଲା (ନଂ.୧୭୮/୨୧) ରୁଜୁ କରି ତଦନ୍ତ ଚଳାଇଛି ା ବ୍ରଜରାଜନଗର ଥାନା ଅଧୀନ ସାନଯୋବ୍ ସ୍ଥିତ ସୀତାରା ଛକରେ ଥିବା ଏକ ପୁରୁଣା ଗ୍ୟାରେଜ୍ରେ ଜୁଆ ଖେଳ ହେଉଥିବା ନେଇ ପୋଲିସକୁ ଖବର ମିଳିଥିଲା। ଏନେଇ ପୋଲିସର ଏକ ଟିମ୍ ଚଢାଇ କରି ଅଭିଯୁକ୍ତମାନଙ୍କୁ ଧରିବାରେ ପାଇଁ ସକ୍ଷମ ହୋଇଥିଲା। ଗିରଫ ଅଭିଯୁକ୍ତଙ୍କ ମଧ୍ୟରେ ବ୍ରଜରାଜନଗର ଅଞ୍ଚଳର କିଛି ଜଣାଶୁଣା ଲୋକ ରହିଛନ୍ତି।
