ଆସୁଛି ନୂଆବର୍ଷ ୨୦୨୫। ଏହା ମେଷ ରାଶିର ଜାତକଧାରୀଙ୍କ ଲାଗି କିଭଳି ରହିବ ତାହା ଆଜିର ଆଲୋଚନାରେ ଜାଣିବା। ତେବେ ବୈଦିକ ଜ୍ୟୋତିଷ ଅନୁଯାୟୀ ମେଷ ରାଶିର ସ୍ବାମୀ ମଙ୍ଗଳ। ସେ ସାହସ ଏବଂ ପରାକ୍ରମର କାରକ।
ନୂଆ ବର୍ଷରେ ମେଷ ରାଶିର ବ୍ୟକ୍ତିଙ୍କ ଆର୍ଥିକ ସ୍ଥିତି ବେଶ ଭଲ ରହିବ। ଶନି, ଶୁକ୍ର ଏବଂ ଗୁରୁଙ୍କ ସ୍ଥିତି ଗୋଚର ସ୍ଥାନରେ ଭଲ ଥିବାରୁ ଧନ ସଞ୍ଚୟ କରିବେ। ଜାନୁଆରୀରେ ଆପଣ କୌଣସି ବାହନ ନଚେତ ଜମି କିଣିପାରିବେ।
କାମ ଏବଂ କ୍ୟାରିୟର ଦୃଷ୍ଟିରେ ମେଷ ରାଶିର ବ୍ୟକ୍ତିଙ୍କ ଲାଗି ଏହି ବର୍ଷ ଭଲ ରହିବ। ମାର୍ଚ୍ଚ ମାସ ପେରେ ଆପଣ ଚାକିରି ପରିବର୍ତ୍ତନ କରିପାରିବେ। ସେହିଭଳି ଚାକିରି, ବ୍ୟବସାୟ ଦୃଷ୍ଟିରୁ ଏହି ବର୍ଷ ଭଲ ରହିବ।
ଛାତ୍ରମାନଙ୍କ ଲାଗି ନୂଆବର୍ଷ ଶୁଭ ସାବ୍ୟସ୍ତ ହେବ। ବିଦେଶରେ ପାଠପଢ଼ାର ସୁଯୋଗ ମିଳିପାରେ। ଶନିଦେବଙ୍କ ଆଶୀର୍ବାଦ ପ୍ରାପ୍ତ ହେବ।
ବୈବାହିକ ଜୀବନ ଏବଂ ଲଭ୍ ଲାଇଫ୍କୁ ନେଇ ୨୦୨୫ ଭଲ ରହିବ। ଏହି ବର୍ଷ ଆରମ୍ଭରେ ଶନି ଏବଂ ଶୁକ୍ରଙ୍କ ଚଳନକୁ ନେଇ ବୈବାହିକ ଜୀବନ ଏବଂ ଲଭ ଲାଇଫ ଭଲ ରହିବ। ସେହିଭଳି ଗୁରୁ ବୃହସ୍ପତିଙ୍କ ସ୍ଥିତି ଯୋଗୁ ଦାମ୍ପତ୍ୟ ଜୀବନ ସୁଖମୟ ହେବ। ସ୍ବାମୀସ୍ତ୍ରୀଙ୍କ ମଧ୍ୟରେ ତାଳମେଳ ଭଲ ରହିବ। ଯେଉଁମାନେ ଅବିବାହିତ ସେମାନେ ଫେବୃଆରୀ ପରେ ବିବାହ ଯୋଗ ରହିଛି। ଯେଉଁମାନେ ସନ୍ତାନ ଚାହୁଁଛନ୍ତି, ସେମାନଙ୍କ ଆଶା ପୂରଣ ହୋଇପାରେ।
ମେଷ ରାଶିର ବ୍ୟକ୍ତିବିଶେଷଙ୍କ ଲାଗି ୨୦୨୫ରେ ସ୍ବାସ୍ଥ୍ୟ ସମ୍ବନ୍ଧୀୟ ବଡ଼ ସମସ୍ୟା ରହିବ ନାହିଁ। କେବଳ ଜାନୁଆରୀରୁ ମେ’ ମାସ ଯାଏ ସ୍ବାସ୍ଥ୍ୟର ଧ୍ୟାନ ରଖିବେ। କଫ, ତଣ୍ଟି ଏବଂ ଛାତି ସମ୍ବନ୍ଧୀୟ ରୋଗ ହୋଇପାରେ। ସେହିଭଳି ପାଦ ଜନିତ ସମସ୍ୟାର ସାମ୍ନା କରିବାକୁ ପଡ଼ିପାରେ।
ମେଷ ରାଶିର ବ୍ୟକ୍ତିବିଶେଷ ପ୍ରତି ମଙ୍ଗଳବାର ଏବଂ ଶନିବାର ହନୁମାନ ଚାଳିଶା ପାଠ କରନ୍ତୁ। ଏହାଛଡ଼ା ଶନିଦେବଙ୍କ ଆରାଧନା କରନ୍ତୁ। ଦୀପ ଜାଳନ୍ତୁ।
