ମୁମ୍ବାଇ: କିଛିଦିନ ପୂର୍ବେ ବଲିଉଡ୍ ନାୟକ ଅର୍ଜୁନ କପୁର କରୋନାରେ ପୀଡ଼ିତ ହୋଇଥିବା କଥା ସୋସିଆଲ ମିଡିଆ ମାଧ୍ୟମରେ ଜଣାଇଥିଲେ । ଆଉ ଏହାର କିଛିଦିନ ପରେ ମଲାଇକା ଆରୋରା ବି କରୋନାରେ ପୀଡ଼ିତ ହୋଇଥିଲେ । ଇତିମଧ୍ୟରେ ଉଭୟ କରୋନା ଯୁଦ୍ଧରେ ବିଜୟୀ ହୋଇ ପୁଣିଥରେ ସାଧାରଣ ଜୀବନକୁ ଫେରି ଆସିଛନ୍ତି । ତେବେ କରୋନାରୁ ସୁସ୍ଥ ହେବା ପରେ ରବିବାର ପ୍ରଥମଥର ଏକାଠି ନଜର ଆସିଛନ୍ତି ଏହି ପ୍ରେମୀ ଯୁଗଳ । ଅର୍ଜୁନ ମଲାଇକାଙ୍କୁ ତାଙ୍କ ଘରକୁ ଛାଡିବାକୁ ଯାଇଥିବା ବେଳେ ଉଭୟ କ୍ୟାମେରା ଫ୍ରେମରେ କଏଦ ହୋଇଯାଇଛନ୍ତି । ଆଉ ଏବେ ସେହି ଫଟୋ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । କିଛିଦିନ ହେବ ଏମାନଙ୍କ ରିଲେସନଶିପକୁ ନେଇ ଚର୍ଚ୍ଚା ହେଉଥିବା ବେଳେ ଏମାନେ କିନ୍ତୁ ଏହାକୁ ସ୍ୱୀକାର କରୁ ନାହାନ୍ତି । ଏମାନେ ବିବାହ କରିବେ କି ନାହିଁ ତାହା ମଧ୍ୟ ଏପର୍ଯ୍ୟନ୍ତ ସ୍ପଷ୍ଟ ହୋଇ ନାହିଁ । ହେଲେ ଏମାନଙ୍କ ବିବାହକୁ ନେଇ ଅନେକ ସମୟରେ ଗସିପ ଶୁଣିବାକୁ ମିଳୁଛି ।