ନୂଆଦିଲ୍ଲୀ,୧୧ା୮: କିମ୍ବଦନ୍ତୀ କ୍ରିକେଟର ସଚିନ ତେନ୍ଦୁଲକରଙ୍କ ପୁଅ ଅର୍ଜୁନ ତେନ୍ଦୁଲକର ଏଣିକି ଗୋଆ ପାଇଁ ଖେଳିବେ। ଏନେଇ ୨୨ ବର୍ଷୀୟ ଅର୍ଜୁନ୍ ମୁମ୍ବାଇ କ୍ରିକେଟ ଆସୋସିଏନ ପାଖରୁ ନୋ ଅବଜେକସନ୍ ସାର୍ଟିଫିକେଟ ହାସଲ ପାଇଁ ଆବେଦନ କରିଛନ୍ତି। ଆଇପିଏଲ୍ ଫ୍ରାଞ୍ଚାଇଜି ମୁମ୍ବାଇ ଇଣ୍ଡିଆନ୍ସର ସଦସ୍ୟ ରହିଥିବା ଅର୍ଜୁନ ମୁମ୍ବାଇ ପକ୍ଷରୁ ଦୁଇଟି ଟି୨୦ ମୁକାବିଲା ଖେଳିଛନ୍ତି। ୨୦୨୧-୨୨ ସିଜିନର ସୟଦ ମୁସ୍ତାକ ଅଲୀ ଟ୍ରଫିରେ ହରିୟାଣା ଓ ପୁଡୁଚେରୀ ବିପକ୍ଷ ମ୍ୟାଚରେ ଅର୍ଜୁନଙ୍କୁ ସୁଯୋଗ ମିଳିଥିଲା। ମୁମ୍ବାଇ ଛାଡି ଗୋଆ ପକ୍ଷରୁ ଖେଳିବା ଦ୍ୱାରା ଅର୍ଜୁନଙ୍କୁ ଅଧିକ ପ୍ରତିଦ୍ୱନ୍ଦିତାପୂର୍ଣ୍ଣ ଖେଳରେ ଅଂଶଗ୍ରହଣ କରିବାର ସୁଯୋଗ ମିଳିବ। ଗୋଆ କ୍ରିକେଟର ବରିଷ୍ଠ ଅଧିକାରୀ ମଧ୍ୟ ଏହି ଘଟଣାକୁ ସ୍ପଷ୍ଟ କରିଛନ୍ତି। ଗୋଆ କ୍ରିକେଟ ସଂଘର ସଭାପତି ରହିଥିବା ସୁରଜ ଲୋଟଲିକାର ମଧ୍ୟ ଏହି ଖବରକୁ ସ୍ପଷ୍ଟ କରିଛନ୍ତି। ଗୋଆ ଦଳ ଜଣେ ବାମହାରୀ ପେସର ଓ ମିଡିଲ ଅର୍ଡର ବ୍ୟାଟ୍ସମ୍ୟାନ ଆବଶ୍ୟକ ରହିଥିଲା। ତେବେ ତେନ୍ଦୁଲକରଙ୍କ ଆଗମନ ପରେ ଏହି ସମସ୍ୟାର ସମାଧାନ ହେବ ବୋଲି ସେ କହିଛନ୍ତି।
