ଶାହାରୁଖ ଖାନ୍ଙ୍କ ଫିଲ୍ମ ‘ଯବାନ’ ବ୍ଲକ୍ବଷ୍ଟର ସାବ୍ୟସ୍ତ ହୋଇଛି। ପ୍ରଖ୍ୟାତ ତାମିଲ ଚଳଚ୍ଚିତ୍ର ନିର୍ମାତା ଆଟଲେଙ୍କ ନିର୍ଦ୍ଦେଶିତ ଏହି ଫିଲ୍ମ ଏପର୍ଯ୍ୟନ୍ତ ୩୦୦ କୋଟି ଆୟ କଲାଣି। ଅଭିନେତା ଅର୍ଜୁନ କପୁର ଫିଲ୍ମ ‘ଯବାନ’ରେ ଶାହାରୁଖ ଖାନଙ୍କ ସହ ନୟନତାରାଙ୍କୁ କେମେଷ୍ଟ୍ରି ଦେଖିବା ପରେ ପ୍ରଶଂସା କରିଛନ୍ତି।
ନିକଟରେ ବଲିଉଡ ଅଭିନେତା ଅର୍ଜୁନ କପୁର ଶାହାରୁଖ ଖାନ ଏବଂ ନୟନତାରାଙ୍କ ଅଭିନୀତ ଫିଲ୍ମ ‘ଯବାନ’ ଦେଖିଥିଲେ। ପରେ ଅର୍ଜୁନ ଉଭୟଙ୍କୁ ବହୁତ ପ୍ରଶଂସା କରିଥିଲେ। ଅର୍ଜୁନ ତାଙ୍କ ଇନଷ୍ଟାଗ୍ରାମ ଷ୍ଟାଟସରେ ଏକ ପୋଷ୍ଟ ଶେୟାର କରିଛନ୍ତି। ଇନଷ୍ଟା ଷ୍ଟୋରୀରେ କହିଛନ୍ତି, ଶାହାରୁଖ ଖାନ କେବଳ ଜଣେ ରାଜା। ବହୁତ ଭଲ। ନୟନତାରା ଆମ ପକ୍ଷକୁ ଆପଣଙ୍କୁ ସ୍ବାଗତ। ବର୍ତ୍ତମାନ ଆମେ ଆପଣଙ୍କୁ ଯିବାକୁ ଦେବୁ ନାହିଁ। ଏହା ସହିତ ଅର୍ଜୁନ ନିର୍ଦ୍ଦେଶକ ଅଟଲେଙ୍କୁ ମଧ୍ୟ ପ୍ରଶଂସା କରିଥିଲେ। ସେ ଲେଖିଛନ୍ତି- ଅଟଲେ ସାର୍ ଓ୍ବାଓ।
ଆଟଲେଙ୍କ ନିର୍ଦ୍ଦେଶିତ ଫିଲ୍ମ ‘ଯବାନ’ ସେପ୍ଟେମ୍ବର ୭ରେ ମୁକ୍ତିଲାଭ କରିଛି। ଏହି ଫିଲ୍ମରେ ଶାହାରୁଖଙ୍କ ସହ ଦକ୍ଷିଣ ଅଭିନେତ୍ରୀ ନୟନତାରା ଏବଂ ବିଜୟ ସେଥୁପତି ଅଭିନୟ କରିଛନ୍ତି। ଏହା ବ୍ୟତୀତ ସାନ୍ୟା ମାଲହୋତ୍ରା, ସୁନୀଲ ଗ୍ରୋଭର ଏବଂ ଦୀପିକା ପାଦୁକୋନଙ୍କ କେମୋ ମଧ୍ୟ ଦେଖିବାକୁ ମିଳୁଛି।
