ନୂଆଦିଲ୍ଲୀ,୨୮।୧୧: କେନ୍ଦ୍ର ସରକାରଙ୍କ କୃଷି ଆଇନ ନେଇ କଂଗ୍ରେସ ପକ୍ଷରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସରକାରଙ୍କୁ ଘେରିବା ଆରମ୍ଭ ହୋଇଛି। ଏହି ମର୍ମରେ ରାହୁଲ ଗାନ୍ଧୀ ମୋଦିଙ୍କୁ ଟାର୍ଗେଟ କରିଛନ୍ତି। ରାହୁଲ କହିଛନ୍ତି ଦେଶରେ ଜୟ ଯବାନ, ଜୟ କିଷାନ ସ୍ଲୋଗାନ ଦିଆଯାଉଥିଲା। ମାତ୍ର ଏବେ ଦେଶବ୍ୟାପି ଜାରି ରହିଥିବା ପ୍ରଦର୍ଶନରେ ମୋଦି ସରକାର ଚାଷୀଙ୍କ ବିରୋଧରେ ଯବାନଙ୍କୁ ଆଣି ଛିଡ଼ା କରାଇଛନ୍ତି। ମୋଦିଙ୍କ ଅହଙ୍କାର ଯୋଗୁ ଏଭଳି ନିନ୍ଦନୀୟ କାର୍ଯ୍ୟ କରାଯାଇଥିବା ରାହୁଲ ଅଭିଯୋଗ କରିଛନ୍ତି। ଚାଷୀମାନେ ଦିଲ୍ଲୀକୁ ଆସିବାକୁ ଚାହୁଁଛନ୍ତି। ମାତ୍ର ମୋଦି ସରକାର ଯବାନଙ୍କ ଦ୍ୱାରା ଚାଷୀଙ୍କ ଉପରେ ଅତ୍ୟାଚାର କରୁଥିବା ରାହୁଲ ଟୁଇଟ୍ କରି କହିଛନ୍ତି।