କରାଚୀ,୧ା୪: ପାକିସ୍ତାନର ଅବସ୍ଥା ଦିନକୁ ଦିନ ଖରାପ ହେବାରେ ଲାଗିଛି। ରାଜନୈତିକ ଏବଂ ଅର୍ଥନୈତିକ ସଙ୍କଟ ଶେଷ ହେବାର ନାଁ ନେଉନି। ଏଠାକାର ଲୋକମାନେ ଦୁଇ ପଟ ରୁଟି ପାଇଁ ଲଢ଼େଇ କରୁଛନ୍ତି। ଖାଦ୍ୟ ବଣ୍ଟନ କେନ୍ଦ୍ରଗୁଡ଼ିକରେ ବିରାଟ ଧାଡ଼ି ଲାଗୁଛି।
ଶନିବାର ବନ୍ଦର ସହର କରାଚୀରେ ପାକିସ୍ତାନ ପୋଲିସ ୮ ଜଣଙ୍କୁ ଗିରଫ କରିଛି। ରମଜାନ ଖାଦ୍ୟ ବଣ୍ଟନ କେନ୍ଦ୍ରରେ ଶିଶୁ ଓ ମହିଳାଙ୍କ ସମେତ ୧୨ ଜଣଙ୍କର ମୃତ୍ୟୁ ଘଟିଥିବା ବେଳେ ଅନେକ ଲୋକ ଆହତ ହୋଇଥିଲେ।
ପୋଲିସର ପ୍ରାଥମିକ ରିପୋର୍ଟ ଅନୁଯାୟୀ, ୪୦ରୁ ୮୦ ବର୍ଷ ବୟସର ୯ ଜଣ ମହିଳା ଏବଂ ୧୦ରୁ ୧୫ବର୍ଷ ବୟସର ତିନିଜଣ ଶିଶୁଙ୍କ ମୃତ୍ୟୁ ଘଟିଥିଲା। ଏହି ମାମଲାରେ ପୋଲିସ ୮ ଜଣଙ୍କୁ ଗିରଫ କରିଛି। କାରଖାନା ପରିଚାଳକଙ୍କ ସହିତ ଯିଏ ରମଜାନରେ ଦାନ ବିଷୟରେ ସ୍ଥାନୀୟ କର୍ତ୍ତୃପକ୍ଷଙ୍କୁ ଜଣାଇ ନ ଥିଲେ।
ପୋଲିସ ତଦନ୍ତ ଅଧୀକ୍ଷକ ଡକ୍ଟର ହଫିଜ ବୁଗ୍ତି କହିଛନ୍ତି, କାରଖାନାର ପରିଚାଳନା ଭିତର ଫାଟକ ଖୋଲି ନାହିଁ ଏବଂ ସଂକୀର୍ଣ୍ଣ ରାସ୍ତା ଯୋଗୁ ବୃଦ୍ଧ ମହିଳା ଓ ଶିଶୁମାନେ ଧାଡ଼ି ପଛରେ ଠିଆ ହୋଇଥିଲେ। ଯେଉଁ କାରଣରୁ ଦଳଚକଟାରେ ପ୍ରାଣହାନି ଘଟିଥିଲା।
