ରିୟାଧ: ବିଶ୍ୱ ପ୍ରସିଦ୍ଧ ସାଉଦି ଆରବର ମକ୍କା ମସ୍ଜିଦ୍ରେ ପ୍ରାର୍ଥନା କରିବା ଲାଗି ଜଣେ ବ୍ୟକ୍ତିଙ୍କୁ ଗିରଫ କରାଯାଇଛି। ମୁସଲମାନ ସମ୍ପ୍ରଦାୟର ପବିତ୍ର ସ୍ଥାନ କୁହାଯାଉଥିବା ମକ୍କାକୁ ମୁସଲମାନଙ୍କ ବ୍ୟତୀତ ଅନ୍ୟ ସମ୍ପ୍ରଦାୟର ବ୍ୟକ୍ତିଙ୍କ ପ୍ରବେଶ ନିଷିଦ୍ଧ। ଏପରି ସ୍ଥିତିରେ ବ୍ରିଟେନ୍ ମହାରାଣୀ ଏଲିଜାବେଥ୍ ଦ୍ୱିତୀୟଙ୍କ ଆତ୍ମାର ସଦ୍ଗତି ନିମନ୍ତେ ବ୍ୟକ୍ତି ଜଣକ ମକ୍କା ପରିକ୍ରମା କରିବା ସହ ପ୍ରାର୍ଥନା କରୁଥିବାର ଭିଡିଓ ଟୁଇଟରରେ ଭାଇରାଲ ହେବା ପରେ ବ୍ୟକ୍ତିଙ୍କ ବିରୋଧରେ ସାଉଦି ପ୍ରଶାସନ ପକ୍ଷରୁ ଏହି କଡ଼ା କାର୍ଯ୍ୟାନୁଷ୍ଠାନ ନିଆଯାଇଛି। ଗିରଫ ବ୍ୟକ୍ତି ଜଣକ ୟେମେନର ହୋଇଥିବାବେଳେ ଭିଡିଓରେ ସେ ଏକ ବ୍ୟାନର ଧରିଥିବା ମଧ୍ୟ ଦେଖିବାକୁ ମିଳିଛି।