ନୂଆଦିଲ୍ଲୀ,୯।୮ : ଅନାସ୍ଥା ପ୍ରସ୍ତାବ ଉପରେ ଆଲୋଚନା କରୁଥିବାବେଳେ ରାହୁଲ ଗାନ୍ଧୀ ଲୋକସଭାରେ କହିଛନ୍ତି ତାଙ୍କୁ ସଂସଦକୁ ଫେରାଇ ଆଣିଥିବାରୁ ଧନ୍ୟବାଦ। ଏହା ସହିତ ମଣିପୁର ହିଂସା ପ୍ରସଙ୍ଗରେ ସେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ କଡ଼ ାସମାଳୋଚନା କରିଛନ୍ତି। ରାହୁଲ ଗାନ୍ଧୀ କହିଛନ୍ତି ଆଜି ମୁଁ ମନରୁ ନୁହେଁ, ହୃଦୟରୁ କହିବାକୁ ଚାହୁଁଛି। ଆଜି ମୁଁ ନିଶ୍ଚିତ ଭାବରେ ଗୋଟିଏ କିମ୍ବା ଦୁଇଟି ପ୍ରସଙ୍ଗ ଉପରେ କହିବି। ଅଧିକ ନୁହେଁ।
ଭାରତ ଯୋଡୋ ଯାତ୍ରା ପରେ ଅନେକ ଲୋକ ମୋତେ ପଚାରିଲେ ମୁଁ କାହିଁକି ଚାଲୁଛି। କନ୍ୟାକୁମାରୀରୁ କଶ୍ମୀରକୁ କାହିଁକି ଚାଲିଛି। ପ୍ରାରମ୍ଭରେ ମୁଁ ଏହି ପ୍ରଶ୍ନର ଉତ୍ତର ଦେଇ ପାରିଲି ନାହିଁ। ମୁଁ ଭାବୁଥିଲି ମୁଁ ଲୋକମାନଙ୍କୁ ବୁଝିବାକୁ ଚାହୁଁଛି। ସେଥିପାଇଁ ମୁଁ କିଛି ସମୟ ଚୁପ ପରେ, ମୁଁ ବୁଝିଲି ମୁଁ ଭଲ ପାଉଥିବା ଜିନିଷ, ଯେଉଁ ଜିନିଷ ପାଇଁ ମୁଁ ମରିବାକୁ ପ୍ରସ୍ତୁତ ଥିଲି, ମୁଁ ସେହି କଥା ବୁଝିବାକୁ ଚାହୁଁଥିଲି।
ଆରମ୍ଭରୁ ମୁଁ ପ୍ରତ୍ୟେକ ଦିନ ୮ରୁ ୧୦ କିଲୋମିଟର ଚାଲୁଥିଲି, ତେଣୁ ୨୫ କିଲୋମିଟର ଚାଲିବାରେ କ’ଣ ଅସୁବିଧା ହେବ, କିନ୍ତୁ କିଛି ଦିନ ଚାଲିବା ପରେ ମୋର ଗୋଡରେ ଯନ୍ତ୍ରଣା ଆରମ୍ଭ ହେଲା। ଯାତ୍ରା ସମୟରେ କୃଷକମାନେ ମୋ ପାଖକୁ ଆସିଥିଲେ। ସେମାନଙ୍କର ଫସଲ ଉଜୁଡ଼ି ଯାଇଥିଲା। ମୁଁ ସେମାନଙ୍କୁ ପଚାରିଲି ତୁମେ ବୀମା ଟଙ୍କା ପାଇଛ ? ସେମାନେ ଉତ୍ତର ଦେଲେ ସେମାନେ ପାଇ ନାହାନ୍ତି। ଏହି ଯାତ୍ରା ସମୟରେ ମୁଁ ସମସ୍ତଙ୍କ ଯନ୍ତ୍ରଣା ଜାଣିବାକୁ ଚେଷ୍ଟା କଲି।
ତେଣୁ ଦେଶର କଥା ଶୁଣିବାକୁ ହେଲେ ମନରୁ ଅହଂକାର ତ୍ୟାଗ କରିବାକୁ ପଡ଼ିବ। କିଛି ଦିନ ପୂର୍ବରୁ ମୁଁ ମଣିପୁର ଯାଇଥିଲି। ଆମ ପ୍ରଧାନମନ୍ତ୍ରୀ ଆଜି ପର୍ଯ୍ୟନ୍ତ ମଣିପୁର ପରିଦର୍ଶନ କରିନାହାଁନ୍ତି କାରଣ ମଣିପୁର ତାଙ୍କ ପାଇଁ ହିନ୍ଦୁସ୍ତାନ ନୁହେଁ ବୋଲି ରାହୁଲ ଅଭିଯୋଗ କରିଛନ୍ତି।
ରାବଣ କୁମ୍ଭକର୍ଣ୍ଣ ଏବଂ ମେଘନାଦଙ୍କ କଥା ଶୁଣୁଥିଲା। ସେହିପରି ମୋଦି କେବଳ ଦୁଇଜଣଙ୍କ କଥା ଶୁଣୁଛନ୍ତି ସେମାନେ ହେଉଛନ୍ତି ଅମିତ ଶାହା ଏବଂ ଅଦାନୀ।
