ରୋମ,୨୮ ।୧୦: ଇଟାଲିର ମିଲାନ ସହରରୁ ଏକ ବଡ ଖବର ଆସିଛି । ଏଠାରେ ଜଣେ ସନ୍ଦିଗ୍ଧ ଏକ ସୁପରମାର୍କେଟରେ ଲୋକଙ୍କୁ ଛୁରାମାଡ କରିଛନ୍ତି । ଏହି ଘଟଣାରେ ଆର୍ସେନଲର ଷ୍ଟାର ଫୁଟବଲର ପାବ୍ଲୋ ମାରି ସମେତ ୪ ଜଣ ଆହତ ହୋଇଛନ୍ତି । ଏମାନଙ୍କୁ ତୁରନ୍ତ ଚିକିତ୍ସା ଲାଗି ହସ୍ପିଟାଲରେ ଭର୍ତ୍ତି କରାଯାଇଛି । ଏହି ଘଟଣାରେ ଜଣଙ୍କର ମୃତ୍ୟୁ ହୋଇଥିବା ସୂଚନା ମିଳିଛି । ଏହି ଘଟଣା ଗୁରୁବାର ସନ୍ଧ୍ୟାରେ ହୋଇଛି ।
ଏକ ସ୍ଥାନୀୟ ରିପୋର୍ଟ ଅନୁଯାୟୀ, ଛୁରାମାଡ ଘଟଣା ସ୍ଥାନୀୟ ସମୟ ଅନୁସାରେ ଗୁରୁବାର ସନ୍ଧ୍ୟାରେ ମିଲାନୋଫରୋରି ଡି ଅସାଗୋ ସପିଂ ସେଣ୍ଟରରେ ହୋଇଛି । ଆହତ ହୋଇଥିବା ଫୁଟବଲ ଖେଳାଳିଙ୍କ ସ୍ୱାସ୍ଥ୍ୟାବସ୍ଥା ସ୍ଥିର ଥିବା ବେଳେ ଅନ୍ୟ ଆହତମାନେ ଗୁରୁତର ରହିଛନ୍ତି । ପୋଲିସର ସୂଚନା ଅନୁଯାୟୀ, ଅଭିଯୁକ୍ତ ଦୋକାନ ଆଲମାରିରୁ ଛୁରି ବାହାର କରି ଲୋକଙ୍କୁ ଆକ୍ରମଣ କରିଥିଲେ । ଅଭିଯୁକ୍ତଙ୍କ ବୟସ ୪୬ ହେବ ବୋଲି କୁହାଯାଉଥିବା ବେଳେ ପୋଲିସ ତାଙ୍କୁ ଗିରଫ କରିନେଇଛି ।
