ବେଳେବେଳେ ସୋସିଆଲ ମିଡିଆରେ ଏମିତି କିଛି ଫଟୋ ଶେୟାର ହୋଇଥାଏ ଯାହାକୁ ଦେଖିଲେ ଆପଣ ହସିହସି ଗଡ଼ିବେ। ଏବେ ସେମିତି ଜଣେ ଯୁବତୀଙ୍କ ଫଟୋ ଭାଇରାଲ ହେଉଛି। ଫଟୋ ଦେଖିଲେ ଆପଣ ମଧ୍ୟ ନ ହସି ରହିପାରିବେନି।
ଏହି ଫଟୋଟିକୁ ଆଇପିଏସ୍ ଅରୁଣ ବୋଥ୍ରା ଶେୟାର କରିଛନ୍ତି। ଏଥିରେ ସେ କ୍ୟାପଶନ ଲେଖିଛନ୍ତି, ଗାଁ ବୁଲା। ଫଟୋରେ ଜଣେ ସହରୀ ଯୁବତୀ ଗାଁ ବୁଲିବାକୁ ଆସିଛନ୍ତି। ଜୀବନରେ କେବେ ଗାଈ ଗୋବର ଦେଖି ନ ଥିବା ଏହି ଯୁବତୀ ଜଣକ ଗୋବର ଦେଖି ଏତେ ଖୁସି ହୋଇ ଯାଇଛନ୍ତି ଯେ, ଏହାର ଫଟୋ ଉଠାଇବାରେ ଲାଗିପଡ଼ିଛନ୍ତି।
ଅରୁଣ ବୋଥ୍ରା ଫଟୋ ଶେୟାର କରିବାର କିଛି ସମୟ ମଧ୍ୟରେ ଲୋକେ ଏହାକୁ ଖୁବ୍ ପସନ୍ଦ କରିଛନ୍ତି। ୟୁଜରମାନେ ମଜାଳିଆ କମେଣ୍ଟ ସବୁ ଦେଉଛନ୍ତି। ଜଣେ ୟୁଜର ଲେଖିଛନ୍ତି, ସହରୀ ଯୁବତୀଙ୍କ ଗାଁ ବୁଲା। ସେହିପରି ଆଉ ଜଣେ ୟୁଜର ଲେଖିଛନ୍ତି, ଜୀବନରେ କେବେ ଦେଖି ନ ଥିଲେ ବୋଧେ। ଆଉ ଜଣେ ୟୁଜର ଲେଖିଛନ୍ତି ମହିଳା କିଛି ବି କରିପାରନ୍ତି।
