ନୂଆଦିଲ୍ଲୀ,୨୪।୮: ପୂର୍ବତନ କେନ୍ଦ୍ରମନ୍ତ୍ରୀ ତଥା ଭାରତୀୟ ଜନତା ପାର୍ଟି ବରିଷ୍ଠ ନେତା ଥିବା ଅରୁଣ ଜେଟଲୀଙ୍କ ସୋମବାର ପ୍ରଥମ ପୁଣ୍ୟତିଥି ପାଳନ କରାଯାଉଛି। ଏହି ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ସ୍ବରାଷ୍ଟ୍ର ମନ୍ତ୍ରୀ ଅମିତ ଶାହ ତାଙ୍କ ଶ୍ରଦ୍ଧାଞ୍ଜଳି ଜଣାଇଛନ୍ତି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କହିଛନ୍ତି ଆଜିକୁ ଠିକ୍ ବର୍ଷେ ପୂର୍ବେ ଆମେ ୍ରରୁଣ ଜେଟଲୀ ଜୀଙ୍କୁ ହରାଇଥିଲୁ। ମୁଁ ନିଜ ବନ୍ଧୁଙ୍କ ବହୁତ୍ ମିସ୍ କରୁଛି। ମନପ୍ରାଣ ସହକାରେ ସେ ଦେଶ ସେବା କରିଥିଲେ। ତାଙ୍କ ଦକ୍ଷତା, ବୁଦ୍ଧିମତା, କୌଶଳ ଏବଂ ପ୍ରଭାବଶାଳୀ ବ୍ୟକ୍ତିତ୍ୱ ପାଇଁ ସେ ସର୍ବଦା ମନେ ରହିବେ। ପ୍ରଧାନମନ୍ତ୍ରୀ ଅରୁଣ ଜେଟଲୀଙ୍କ ପ୍ରାର୍ଥନା ସଭାର ଭିଡିଓ ମଧ୍ୟ ଶେୟାର କରିଥିଲେ। ସେ ଜଣେ ବିଶିଷ୍ଟ ରାଜନୈତିଜ୍ଞ, ମହାନ ବ୍ୟକ୍ତି ଥିଲେ। ଭାରତୀୟ ରାଜନୀତିରେ ତାଙ୍କ ସ୍ଥାନ ଅପୁରଣୀୟ ବୋଲି ଶାହା କହିଛନ୍ତି। ସୂଚନାଯୋଗ୍ୟ, ୨୦୧୯, ଅଗଷ୍ଟ ୨୪ରେ ଦିଲ୍ଲୀ ଏମ୍ସରେ ନିଧନ ହୋଇଥିଲା।
