ନୂଆଦିଲ୍ଲୀ,୧୯ ।୭: ଅରୁଣାଚଳ ପ୍ରଦେଶର କୁମି ନଦୀରେ ବୁଡିଯିବାରୁ ୧୯ ଜଣ ଶ୍ରମିକଙ୍କ ମୃତ୍ୟୁ ହୋଇଥିବା କୁହାଯାଉଛି । ଏହି ଶ୍ରମିକମାନେ ଚାଇନା ସୀମାରେ ସଡ଼କ ନିର୍ମାଣ କାମରେ ନିୟୋଜିତ ଥିଲେ । ଇଦ ଯୋଗୁ ଏମାନେ ଆସାମ ଯିବାକୁ ଚାହୁଁଥିଲେ । କଣ୍ଟ୍ରାକ୍ଟର ଏମାନଙ୍କୁ ଯିବାକୁ ଅନୁମତି ନ ଦେବାରୁ ଏମାନେ ପାଦରେ ଚାଲି ଚାଲି ଆସାମ ଯିବାକୁ ବାହାରିଥିଲେ । ହେଲେ ଚାଲିବା ବାଟରେ ନଦୀରେ ବୁଡିଯିବାରୁ ଏମାନଙ୍କ ମୃତ୍ୟୁ ହୋଇଥିବା କୁହାଯାଉଛି ।
ସୂଚନା ମୁତାବକ ଏମାନେ ସମସ୍ତେ ବିଆରଓ ଦ୍ୱାରା ସଡ଼କ ନିର୍ମାଣ କାର୍ଯ୍ୟ ପାଇଁ ଅରୁଣାଚଳ ପ୍ରଦେଶ ଆସିଥିଲେ । ଇଦ ପାଇଁ ଏମାନେ ଆସାମରେ ଥିବା ତାଙ୍କ ନିଜ ଘରକୁ ଯିବାକୁ ଚାହୁଁଥିଲେ । ଖବର ଅନୁଯାୟୀ, ସମସ୍ତ ଶ୍ରମିକ ଅରୁଣଚଳର ଗୁରୁଙ୍ଗ କୁମେ ଜଙ୍ଗଲରେ ହଜି ଯାଇଥିଲେ । ଏବେ ପର୍ଯ୍ୟନ୍ତ ଜଣଙ୍କର ମୃତଦେହ ମିଳିଥିବା ବେଳେ ଅନ୍ୟମାନେ ନିଖୋଜ ଅଛନ୍ତି । ସ୍ଥାନୀୟ ଲୋକଙ୍କ କହିବା କଥା ସମସ୍ତଙ୍କର ମୃତ୍ୟୁ ହୋଇଛି । ଅନ୍ୟମାନଙ୍କୁ ଖୋଜା ଚାଲିଛି ।
