ଭୁବନେଶ୍ୱର,୯ । ୩: ଅରୁନ୍ଧତୀ ଜୁଏଲର୍ସ ପକ୍ଷରୁ ସୋମବାର ଆନ୍ତର୍ଜାତୀୟ ମହିଳା ଦିବସ ସ୍ଥାନୀୟ ସତ୍ୟନଗର ସ୍ଥିତ ସଂସ୍ଥାର ଫ୍ଲାଗସିସ ଶୋ’ରୁମ ପରିସରରେ ପାଳିତ ହୋଇଯାଇଛି। ଏହି ଅବସରରେ ଦୌଡରାଣୀ ଦୂତୀ ଚାନ୍ଦ, ଯୁବ ପ୍ରତିଭା ଅନୁଷ୍କା ଅନ୍ୟନ୍ୟା ଏବଂ ଅରୁନ୍ଧତୀ ମେହେର ପ୍ରମୁଖ ସମ୍ମାନିତ ଅତିଥି ଭାବରେ ଉପସ୍ଥିତ ଥିଲେ। ଏହି ପରିପ୍ରେକ୍ଷୀରେ ଦୂତୀ ଚାନ୍ଦ ନିଜର ସଂର୍ଘଷ କାହାଣୀ ସମ୍ପର୍କରେ ବିସ୍ତୁତ ଭାବରେ ବର୍ଣ୍ଣନା କରିଥିଲେ। ସେହିପରି ଯୁବ ପ୍ରତିଭା ଅନୁଷ୍କା ଅନ୍ୟନ୍ୟା ମଧ୍ୟ ନିଜ ଅନୁଭୂତି ବଖାଣିଥିଲେ। ଏହି ପବିତ୍ର ଦିବସ ଉପଲକ୍ଷେ ଉପସ୍ଥିତ ସମସ୍ତ ମହିଳା ଗ୍ରାହକ ଓ କର୍ମଚାରୀମାନଙ୍କୁ ଅଭିନନ୍ଦନ ଜଣାଉବା ସହ ମହିଳା ଦିବସ ସ୍ବତନ୍ତ୍ର କେକ୍ କାଟି ଅନ୍ତର୍ଜାତୀୟ ମହିଳା ଦିବସକୁ ପାଳନ କରିଥିଲେ। ନାରୀ ହେଉଛନ୍ତି ଇଶ୍ୱର ସୃଷ୍ଟିର ଏକ ଅନନ୍ୟ ଉପହାର। ନାରୀ ସର୍ବଶକ୍ତି ଓ ଶ୍ରେଷ୍ଠ ସହନଶୀଳତାର ଜଳନ୍ତ ଉଦାହରଣ। ଜନ୍ମରୁ ମୃତ୍ୟୁ ମଧ୍ୟରେ ନାରୀର ଅନେକ ରୂପ ଓ ବ୍ୟକ୍ତିତ୍ୱ ରହିଛି ବୋଲି ଅନ୍ତର୍ଜାତୀୟ ମହିଳା ଦିବସ ପାଳନ ଅବସରରେ ଅରୁନ୍ଧତୀ ଜୁଏଲର୍ସର ପରିଚାଳନା ନିର୍ଦ୍ଦେଶକ ବ୍ରହ୍ମାନନ୍ଦ ମେହେର ମତବ୍ୟକ୍ତ କରିଛନ୍ତି।