ଭୁବନେଶ୍ୱର,୧।୪: ରାଜ୍ୟର ପ୍ରମୁଖ ଅଳଙ୍କାର ପ୍ରତିଷ୍ଠାନ ଅରୁନ୍ଧତୀ ଜୁଏଲର୍ସକୁ ନିକଟରେ ଆଉ ଏକ ଜାତୀୟ ସ୍ତରର ସମ୍ମାନ ପ୍ରଦାନ କରାଯାଇଛି। ବିଶେଷକରି ମୁମ୍ବାଇ ସ୍ଥିତ ସାହାର ଷ୍ଟାର୍ ହୋଟେଲଠାରେ ଇଣ୍ଡିଆ ବୁଲିୟନ ଆଣ୍ଡ ଜୁଏଲର୍ସ ଆସୋସିଏଶନ (ଆଇବିଜେଏ) ଲିମିଟେଡ୍ ଏବଂ ଓ୍ବାର୍ଲଡ ଗୋଲ୍ଡ କାଉନ୍ସିଲ (ଡବ୍ଲ୍ୟୁଜିସି) ଦ୍ୱାରା ଆୟୋଜିତ ୮ମ ଇଣ୍ଡିଆ-ଇଣ୍ଟରନ୍ୟାଶନାଲ ବୁଲିୟନ ଆଣ୍ଡ ଜୁଏଲେରି ସମ୍ମିଟ୍-୨୦୨୩ ଅବସରରେ ଅରୁନ୍ଧତୀ ଜୁଏଲର୍ସକୁ ବେଷ୍ଟ ରିଜିଓନାଲ ଜୁଏଲେରି ରିଟେଲ ଅଫ୍ ଦି ଇୟର (ଇଷ୍ଟ) ସମ୍ମାନରେ ସମ୍ମାନିତ କରାଯାଇଛି। ଏହି ଅବସରରେ ମହାରାଷ୍ଟ୍ର ବିଧାନସଭାର ବାଚସ୍ପତି ରାହୁଲ ନରୱେକର ମୁଖ୍ୟ ଅତିଥି ଭାବେ ଯୋଗଦେଇଥିବା ବେଳେ ନ୍ୟାଶନାଲ ଷ୍ଟକ୍ ଏକ୍ସଚେଞ୍ଜର ଏମ୍ଡି ତଥା ସିଇଓ ଆଶିଷ କୁମାର ଚୌହାନ, ଆଇବିଜେଏର ଜାତୀୟ ସଭାପତି ପୃଥୀରାଜ କୋଠାରି, ଡବ୍ଲ୍ୟୁଜିସିର ଭାରତ ମୁଖ୍ୟ ସୋମସୁନ୍ଦର ପି.ଆର୍, ଜିଜେସିର ଅଧ୍ୟକ୍ଷ ସୋୟମ ମେହେରା,ଓସ୍ଓଲା ଫାଇନାସିଆଲ ସର୍ଭିସେସ୍ ଲିମିଟେଡ୍ର ଅଧ୍ୟକ୍ଷ ତଥା ଏମ୍ଡି ମୋତିଲାଲ ଓସ୍ଓଲା,ନ୍ୟାଶନାଲ ଜେମ୍ସ ଆଣ୍ଡ ଜୁଏଲେରି କାଉନସିଲ ଅଫ୍ ଇଣ୍ଡିଆର ଅଧ୍ୟକ୍ଷ ପ୍ରମୋଦ ଅଗ୍ରୱାଲ ପ୍ରମୁଖ ସମ୍ମାନିତ ଅତିଥି ଭାବେ ଯୋଗଦେଇଥିଲେ। ଏ ସମ୍ପର୍କରେ ଅରୁନ୍ଧତୀ ଜୁଏଲର୍ସର ପରିଚାଳନା ନିର୍ଦ୍ଦେଶକ ବ୍ରହ୍ମାନନ୍ଦ ମେହେର କହିଛନ୍ତି, ଗତ ୩ମାସ ମଧ୍ୟରେ ୨ ଦୁଇ ଥର ଜାତୀୟସ୍ତରର (ପୂର୍ବ ଭାରତର ଏକ ଅଗ୍ରଣୀ ଓ ବିଶ୍ୱାସନୀୟ ଜୁଏଲେରି ବ୍ରାଣ୍ଡ୍) ସମ୍ମାନରେ ସମ୍ମାନିତ ହେବା ଆମ ସମସ୍ତଙ୍କ ପାଇଁ ଓ ସମଗ୍ର ଓଡ଼ିଶାବାସୀଙ୍କ ପାଇଁ ଗର୍ବ ଓ ଗୌରବର ବିଷୟ। ସୂଚନାଯୋଗ୍ୟ ୨୦୨୩ ବର୍ଷ ଶେଷ ସୁଦ୍ଧା ଅରୁନ୍ଧତୀ ଓଡ଼ିଶାର ୧୦ଟି ପ୍ରମୁଖ ସହରରେ ତା’ର ସେବା ଯୋଗାଇଦେବା ଲକ୍ଷ୍ୟ ରଖିଛି।
