ଭୁବନେଶ୍ୱର,୨୪।୧: ରାଜ୍ୟର ପ୍ରମୁଖ ଅଳଙ୍କାର ପ୍ରତିଷ୍ଠାନ ଅରୁନ୍ଧତୀ ଜୁଏଲର୍ସକୁ ନିକଟରେ ଏକ ଜାତୀୟ ସ୍ତରର ସମ୍ମାନ ଓ ସ୍ବୀକୃତି ପ୍ରଦାନ କରାଯାଇଛି। ଏପରିକି ଅରୁନ୍ଧତୀ ପୂର୍ବ ଭାରତର ଶ୍ରେଷ୍ଠ ଜ୍ୱେଲରି ବ୍ରାଣ୍ଡ୍ ଭାବେ ରିଟେଲ ଜ୍ୱେଲର୍ସ ଇଣ୍ଡିଆ ପକ୍ଷରୁ ସମ୍ମାନିତ ହୋଇଛି। ସେହିଭଳି ଅରୁନ୍ଧତୀ ଜୁଏଲର୍ସର ପରିଚାଳନା ନିର୍ଦ୍ଦେଶକ ବ୍ରହ୍ମାନନ୍ଦ ମେହେରଙ୍କୁ ଶ୍ରେଷ୍ଠ ପରିଚାଳନା ନିର୍ଦ୍ଦେଶକ (ଏମ୍ଡି) ଭାବେ ମଧ୍ୟ ସମ୍ମାନିତ କରାଯାଇଛି।
ଉଲ୍ଲେଖଯୋଗ୍ୟ, ଚଳିତ ବର୍ଷ ରିଟେଲ ଜ୍ୱେଲର୍ସ ଇଣ୍ଡିଆ ପକ୍ଷରୁ ଏକ ସ୍ବତନ୍ତ୍ର କାର୍ଯ୍ୟକ୍ରମ ଶ୍ରେଷ୍ଠ ପରିଚାଳନା ନିର୍ଦ୍ଦେଶକ (ଏମ୍ଡି) ତଥା ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ (ସିଇଓ) ସମ୍ମାନ ଉତ୍ସବର ଆୟୋଜନ କରାଯାଇଥିଲା। ବିଶେଷକରି ଅଳଙ୍କାର ବ୍ୟବସାୟରେ ଏକ ବୈପ୍ଳବିକ ପରିବର୍ତ୍ତନ ଆଣିବା ସହ ଅରୁନ୍ଧତୀ ଜ୍ୱେଲର୍ସକୁ ପୂର୍ବ ଭାରତରେ ଏକ ଅଗ୍ରଣୀ ଓ ବିଶ୍ୱସନୀୟ ଜୁଏଲରୀ ବ୍ରାଣ୍ଡ୍ ଭାବେ ପ୍ରତିଷ୍ଠିତ କରାଇବା ଦିଗରେ ବ୍ରହ୍ମାନନ୍ଦ ମେହେର କଠିନ ପରିଶ୍ରମ କରିଥିବା ଜଣାପଡିଛି।
ଏ ସମ୍ପର୍କରେ ବ୍ରହ୍ମାନନ୍ଦ ମେହେର କହିଛନ୍ତି, ଏଭଳି ଏକ ଜାତୀୟସ୍ତରର ସମ୍ମାନ ଆମକୁ ଆହୁରି ବଳ ଯୋଗାଇଛି। ଏପରିକି ମୋର ସମସ୍ତ କର୍ମଚାରୀଙ୍କ ନିରନ୍ତର ଓ ନିଷ୍ଠାପର କଠିନ ପରିଶ୍ରମ ଏବଂ ସମସ୍ତ ଓଡ଼ିଶାବାସୀଙ୍କ ବିଶ୍ୱାସ,ଭଲପାଇବା ଓ ଆଶୀର୍ବାଦ ଯୋଗୁ ଆଜି ଅରୁନ୍ଧତୀ ଏଭଳି ଏକ ସମ୍ମାନରେ ସମ୍ମାନିତ ହୋଇପାରିଛି। ଏହି ସମ୍ମାନ ଆମକୁ ଆଗକୁ ଆହୁରି ନିଷ୍ଠାପର ସହ କାମ କରିବା ପାଇଁ ଉତ୍ସାହିତ କରିବା ସହ ପ୍ରେରଣା ଯୋଗାଇବ ବୋଲି ମେହେର ମତପ୍ରକାଶ କରିଛନ୍ତି।
ସୂଚନାଯୋଗ୍ୟ, ବ୍ରହ୍ମାନନ୍ଦ ବଲାଙ୍ଗୀରଠାରେ ୨୦୦ ବର୍ଗଫୁଟ ଏକ ଛୋଟିଆ ଘରେ ୫ଜଣ କର୍ମଚାରୀଙ୍କୁ ନେଇ ଅରୁନ୍ଧତୀ ଆରମ୍ଭ କରିଥିଲେ। ଦୀର୍ଘ ୨୩ ବର୍ଷ ମଧ୍ୟରେ ପ୍ରତିଷ୍ଠାନ ମୋଟ ୭୫,୦୦୦ ବର୍ଗଫୁଟ ଆୟତନ ବିଶିଷ୍ଟ ୭ଟି ପ୍ରମୁଖ ସହରରେ ଶୋ’ରୁମ୍ ସହ ୧୦୦୦ରୁ ଊର୍ଦ୍ଧ୍ୱ କର୍ମଚାରୀରେ ସଂସ୍ଥା ପହଞ୍ଚତ୍ସାରିଛି।
