ଭୁବନେଶ୍ୱର,୧୦।୩:ଓଡ଼ିଶାର ସର୍ବବୃହତ୍ ଜୁଏଲେରି ବ୍ରାଣ୍ଡ୍ ଅରୁନ୍ଧତୀ ଜୁଏଲର୍ସକୁ ନିକଟରେ ଆଉ ଏକ ରାଜ୍ୟସ୍ତରୀୟ ସମ୍ମାନ ପ୍ରଦାନ କରାଯାଇଛି। ବିଶେଷକରି ଚଳିତ ବର୍ଷ ଷ୍ଟେଟ୍ ବିଜ୍ନେସ୍ ଲିଡରଶିପ ଆଓ୍ବାର୍ଡ ଆଣ୍ଡ ସମିଟ୍ ଅବସରରେ ଅରୁନ୍ଧତୀକୁ ମୋଷ୍ଟ ପ୍ରିଫର୍ଡ ଜୁଏଲେରି ବ୍ରାଣ୍ଡ୍ ସମ୍ମାନରେ ସମ୍ମାନିତ କରାଯାଇଛି। ଏହି ପରିପ୍ରେକ୍ଷୀରେ ରାଜ୍ୟ ସଭା ସଦସ୍ୟ ଅମର ପଟ୍ଟନାୟକ, ଅର୍ଥ ବିଭାଗର ବିଭାଗୀୟ ସଚିବ ବିଶାଲ କୁମାର ଦେବ, ପଦ୍ମବିଭୂଷଣ ସୁଦର୍ଶନ ସାହୁ, ରାଜ୍ୟ ଯୋଜନା ବୋର୍ଡ ସଦସ୍ୟ ପ୍ରସନ୍ନ ପାଟଶାଣୀ ଓ ଚେୟାରମ୍ୟାନ, ଓପିଟିସିଏଲ୍ ସଞ୍ଜୟ କୁମାର ମିଶ୍ର ପ୍ରମୁଖ ଓ ଅନ୍ୟମାନେ ଉପସ୍ଥିତ ଥିଲେ।
ଏ ସମ୍ପର୍କରେ ଅରୁନ୍ଧତୀ ଜୁଏଲର୍ସର ପରିଚାଳନା ନିର୍ଦ୍ଦେଶକ ବ୍ରହ୍ମାନନ୍ଦ ମେହେର କହିଥିଲେ, ଅଳଙ୍କାର ବ୍ୟବସାୟ ଜଗତରେ ବୈପ୍ଲବିକ ପରିବର୍ତ୍ତନ ଆଣିବା ସହ ଅରୁନ୍ଧତୀ ଜୁଏଲର୍ସକୁ ପୂର୍ବ ଭାରତରେ ଏକ ଅଗ୍ରଣୀ ତଥା ବିଶ୍ୱସନୀୟ ଜୁଏଲେରି ବ୍ରାଣ୍ଡ୍ ଭାବେ ପ୍ରତିଷ୍ଠା କରାଇବା ପଛରେ ସର୍ବୋପରି ଗ୍ରାହକଙ୍କ ଅବଦାନ ଅତୁଳନୀୟ ରହିଛି। ଏପରିକି ଦୀର୍ଘ ୨୩ ବର୍ଷର ନିରନ୍ତର ଓ ନିଷ୍ଠାପର ଯାତ୍ରା ମଧ୍ୟରେ ପ୍ରତିଷ୍ଠାନକୁ ଅନେକ ସଫଳତା ମିଳିଛି। ଗ୍ରାହକଙ୍କ ଭରସା ଜିଣିପାରିବା ଓ ଓଡ଼ିଶାର ସର୍ବବୃହତ୍ ବ୍ରାଣ୍ଡ୍ର ମାନ୍ୟତା ପାଇବା ଆମ ପାଇଁ ଗର୍ବ ଓ ଗୌରବର ବିଷୟ ହୋଇଛି। ଚଳିତ ବର୍ଷ ଶେଷ ସୁଦ୍ଧା ଅରୁନ୍ଧତୀ ରାଜ୍ୟର ୧୦ ପ୍ରମୁଖ ସହରରେ ତା’ର ଉପସ୍ଥିତି ବୃଦ୍ଧି କରିବାକୁ ଯାଉଛି ବୋଲି ସେ ମତପ୍ରକାଶ କରିଛନ୍ତି।