ଭୁବନେଶ୍ୱର,୧୪।୧୨: ରାଜ୍ୟର ପ୍ରମୁଖ ଅଳଙ୍କାର ପ୍ରତିଷ୍ଠାନ ଅରୁନ୍ଧତୀ ଜୁଏଲର୍ସ ପକ୍ଷରୁ ହୀରା ଗହଣାର ସ୍ବତନ୍ତ୍ର କଲେକ୍ସନ ଜିଭା ସହ ‘ଡାଇମଣ୍ଡ ମହୋତ୍ସବ’ ସମ୍ପର୍କରେ ଘୋଷଣା କରାଯାଇଛି। ଏପରିକି ପ୍ରତିଷ୍ଠାନର ସମସ୍ତ ଶାଖାରେ ଏହି ମହୋତ୍ସବ ଆରମ୍ଭ ହୋଇଯାଇଥିବା ଜଣାପଡ଼ିଛି। ବିଶେଷକରି ଚଳିତ ଖ୍ରୀଷ୍ଟମାସ ଏବଂ ନବବର୍ଷକୁ ଆଖି ଆଗରେ ରଖି ଏକ ସୂକ୍ଷ୍ମ ଏବଂ ସ୍ବତନ୍ତ୍ର କାରୁକାର୍ଯ୍ୟ ଭରା ଗହଣାକୁ ନିୟମିତ ହୀରା ଗହଣାଠାରୁ ୩୦% କମ୍ ଦାମ୍ରେ ଉପଲବ୍ଧ କରାଉଛି। ସେହିଭଳି ବିସ୍ତୃତ ଡିଜାଇନ୍ ସହ ବଜାରର ସର୍ବୋତ୍ତମ ଡାଇମଣ୍ଡ ଅଫର ସମ୍ପର୍କରେ ମଧ୍ୟ ଘୋଷଣା କରାଯାଇଛି। ଏହି ଅଫର ଚଳିତ ବର୍ଷ ଡିସେମ୍ବର ୩୧ ପର୍ଯ୍ୟନ୍ତ ରାଜ୍ୟର ସମସ୍ତ ଅରୁନ୍ଧତୀ ଶାଖାରେ ଉପଲବ୍ଧ ହେବ। ଉକ୍ତ ଅଫର ଜରିଆରେ ଗ୍ରାହକମାନେ ହୀରା ଗହଣାର ପ୍ରତି କ୍ୟାରେଟ ଉପରେ ଫ୍ଲାଟ୍ ୧୫,୦୦୦ ଟଙ୍କାର ରିହାତି ସହ ପ୍ରତିଷ୍ଠାନର ପୁରୁଣା ହୀରା ଗହଣା ଏକ୍ସଚେଞ୍ଜ ଉପରେ ମଧ୍ୟ ୧୦୫% ଅତ୍ୟଧିକ ମୂଲ୍ୟ ପାଇପାରିବେ। ସେହିପରି ଜିଭା ଡାଇମଣ୍ଡ କଲେକ୍ସନର ନେକ୍ଲେସ ମାତ୍ର ୯୯,୯୯୯ ଟଙ୍କାରୁ ଗ୍ରାହକମାନଙ୍କ ପାଇଁ ଉପଲବ୍ଧ କରାଯାଇଛି। ଏପରିକି ଏହି କଲେକ୍ସନ ଅନ୍ତର୍ଗତ ଗହଣାଗୁଡ଼ିକର ମୂଲ୍ୟ ୧୯,୯୯୯ ଟଙ୍କାରୁ ଆରମ୍ଭ କରାଯାଇଛି।
ଏ ସମ୍ପର୍କରେ ଅରୁନ୍ଧତୀ ଜୁଏଲର୍ସର ପରିଚାଳନା ନିଦ୍ଦେର୍ଶକ ବ୍ରହ୍ମାନନ୍ଦ ମେହେର କହିଛନ୍ତି, ଆମର ଏହି ଜିଭା କଲେକ୍ସନ ଆଜିର ନାରୀମାନଙ୍କର ପସନ୍ଦ ଓ ଆବଶ୍ୟକତାକୁ ଧ୍ୟାନରେ ରଖି ଏକ ଉକତ୍ୃଷ୍ଟ କଳାକୃତିରେ ପ୍ରସ୍ତୁତ କରାଯାଇଛି। ଫ୍ୟାଶନ ସଚେତନ ମହିଳାମାନେ ଏହାକୁ ବିଭିନ୍ନ ସ୍ଥାନ ଓ ବିଭିନ୍ନ ପରିପେକ୍ଷୀରେ ମଧ୍ୟ ପରିଧାନ କରିପାରିବେ। ଆମେ ସର୍ବଦା ନିୟମିତ ବ୍ୟବଧାନରେ ନୂତନ ଡିଜାଇନ ସହ ସେବାରେ ଉନ୍ନତି ଆଣିବାକୁ ପ୍ରଚେଷ୍ଟା କରିଥାଉ। ଫଳରେ ଆମ ଗ୍ରାହକମାନେ ଅରୁନ୍ଧତୀ ଜୁଏଲର୍ସରେ ସର୍ବଦା କିଛି ନା କିଛି ନୂଆ ପାଇଥାନ୍ତି।