ନୂଆଦିଲ୍ଲୀ,୧।୧୧: ଅବକାରୀ ନୀତି ପ୍ରସଙ୍ଗରେ ନଭେମ୍ବର ୨ରେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କୁ ପଚରାଉଚରା ପୂର୍ବରୁ ଆମ ଆଦମୀ ପାର୍ଟି (ଏଏପି) କେନ୍ଦ୍ର ସରକାରଙ୍କ ଉପରେ ଟାର୍ଗେଟ୍ କରୁଛି। ପାର୍ଟି ଏମ୍ପି ରାଘବ ଚଢା ବୁଧବାର କହିଛନ୍ତି, ଯଦି ଇଣ୍ଡିଆ(ବିରୋଧୀ ଆଲାଇନ୍ସ)ର ଜଣେ ପ୍ରାର୍ଥୀ ଭାଜପା ପ୍ରାର୍ଥୀଙ୍କ ବିରୋଧରେ ପ୍ରତିଦ୍ୱନ୍ଦ୍ୱିତା କରନ୍ତି, ତେବେ ଭାଜପା ହାରିଯାଉଥିବା ଦେଖାଯାଉଛି। ଭାଜପାର ରଣନୀତି ହେଉଛି ବରିଷ୍ଠ ନେତାଙ୍କୁ ଜେଲରେ ରଖିବା। ଏହି କ୍ରମରେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କୁ ଭାଜପା ଏଜେନ୍ସି ପ୍ରଥମ ଗିରଫ କରିବାକୁ ଯାଉଛି। କେଜ୍ରିୱାଲଙ୍କୁ ଜେଲରେ ରଖି ଦିଲ୍ଲୀର ୭ଟି ଆସନ ଭାଜପା ନିଜ ପକେଟରେ ରଖିବାକୁ ଯାଉଛି। ଝାଡଖଣ୍ଡରୁ ହେମନ୍ତ ସୋରେନ ସାହେବଙ୍କୁ ଦ୍ୱିତୀୟ ଗିରଫ କରାଯିବ। ଏଠାରେ ୧୨ଟି ଲୋକ ସଭା ଆସନ ଅଛି।
ବିହାରରେ ୪୦ଟି ଆସନ ଅଛି ନୀତୀଶ କୁମାର ଭାଜପା ଛାଡିବା ପରେ ନୀତୀଶଙ୍କୁ ଗିରଫ କରିବା ପାଇଁ ଯୋଜନା ପ୍ରସ୍ତୁତ ହୋଇଛି। ତା’ପରେ ସେମାନେ ତେଜସ୍ବୀ ଯାଦବଙ୍କୁ ଗିରଫ କରିବେ। ପଶ୍ଚିମବଙ୍ଗରେ ମମତା ବାନାର୍ଜୀଙ୍କୁ ପରାସ୍ତ କରିବା କଷ୍ଟସାଧ୍ୟ। ତେଣୁ ସେମାନେ ତାଙ୍କୁ ଏବଂ ଅଭିଷେକ ବାନାର୍ଜୀଙ୍କୁ ଜେଲରେ ରଖିବେ। ପରେ କେରଳ, ତାମିଲନାଡୁ ଏବଂ ତେଲେଙ୍ଗାନାରେ ଅନେକ ନେତାଙ୍କୁ ଗିରଫ କରାଯିବ।
ରାଘବ ଚାଧା କହିଛନ୍ତି ଯେ ୨୦୧୪ ରୁ ୨୦୨୨ମଧ୍ୟରେ ନେତାଙ୍କ ବିରୋଧରେ ଦାଖଲ ହୋଇଥିବା ସମସ୍ତ ମାମଲା ମଧ୍ୟରୁ ୯୫ ପ୍ରତିଶତ ଭାଜପାର ରାଜନୈତିକ ବିରୋଧୀଙ୍କ ବିରୋଧରେ ଥିଲା। ଏହି ସମୟ ମଧ୍ୟରେ ୧୨୫ ବଡ ନେତାଙ୍କ ବିରୋଧରେ ମାମଲା ଦାୟର କରାଯାଇଥିଲା, ଯେଉଁଥିରୁ ୧୧୮ଟି ଭାଜପାର ରାଜନୈତିକ ବିରୋଧୀ। ଇଣ୍ଡିଆ ମିଳିତ ମଞ୍ଚ ଗଠନକୁ ନେଇ ଭାଜପା ସମ୍ପୂର୍ଣ୍ଣ ଭୟଭୀତ।