![](https://www.dharitri.com/wp-content/uploads/2024/03/ak-1568x1063.png)
ନୂଆଦିଲ୍ଲୀ,୨୨ା୩: ଦିଲ୍ଲୀ ମୁଖ୍ୟମନ୍ତ୍ରୀ ତଥା ଆମ୍ ଆଦମୀ ପାର୍ଟିର ସଂଯୋଜକ ଅରବିନ୍ଦ କେଜ୍ରିଓ୍ବାଲଙ୍କ ସମସ୍ୟା ଆହୁରି ବଢିପାରେ। ସୂତ୍ରରୁ ପ୍ରକାଶ ଯେ ଅରବିନ୍ଦ କେଜ୍ରିଓ୍ବାଲ ପ୍ରବର୍ତ୍ତନ ନିର୍ଦ୍ଦେଶାଳୟର ଅଧିକାରୀଙ୍କ ଉପରେ ଗୁଇନ୍ଦାଗିରି କରୁଥିଲେ। ଅନୁସନ୍ଧାନକାରୀ ସଂସ୍ଥା ଏହାର ପ୍ରମାଣ ମଧ୍ୟ ପାଇଛନ୍ତି। ଏହି ଅଧିକାରୀମାନଙ୍କ ବିଷୟରେ ସୂଚନା କ୍ରମାଗତ ଭାବରେ ସଂଗ୍ରହ କରାଯାଉଥିଲା।
ଗୁରୁବାର ଇଡି ଦଳ କେଜ୍ରିଓ୍ବାଲଙ୍କ ବାସଭବନରୁ କିଛି ଗୁରୁତ୍ୱପୂର୍ଣ୍ଣ କାଗଜାତ୍ ଉଦ୍ଧାର କରିଥିଲେ। ଅବକାରୀ ଦୁର୍ନୀତି ସହ ଜଡିତ ମନି ଲଣ୍ଡରିଂ ମାମଲାରେ କେଜ୍ରିୱାଲଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଥିଲା।
ସୂଚନାନୁସାରେ, ଦିଲ୍ଲୀ ମୁଖ୍ୟମନ୍ତ୍ରୀ କେଜ୍ରିଓ୍ବାଲ ଇଡି ଅଧିକାରୀଙ୍କ ଉପରେ ଗୁଇନ୍ଦାଗିରି କରୁଥିଲେ। ଗୁରୁବାର ଚଢ଼ାଉ ସମୟରେ ଇଡି ଡକ୍ୟୁମେଣ୍ଟ ଉଦ୍ଧାର କରିଛି। କୁହାଯାଉଛି ଯେ ଏଡି ଏ ଦିଗରେ କାର୍ଯ୍ୟାନୁଷ୍ଠାନ ଗ୍ରହଣ କରିପାରେ। ଏଭଳି ପରିସ୍ଥିତିରେ ଆଗାମୀ ଦିନରେ କେଜ୍ରିୱାଲଙ୍କ ସମସ୍ୟା ଆହୁରି ବଢିପାରେ। କେଜ୍ରିଓ୍ବାଲଙ୍କ ଉପରେ କଟକଣା ଲଗାଇବାକୁ ଇଡି ଅଧିକାରୀମାନେ ପ୍ରସ୍ତୁତି ଆରମ୍ଭ କରିଛନ୍ତି।