ନୂଆଦିଲ୍ଲୀ,୬।୬: କେନ୍ଦ୍ର ସରକାର ଦିଲ୍ଲୀ ଅଧିକାରୀଙ୍କ ସ୍ଥାନାନ୍ତର-ପୋଷ୍ଟିଂ ଉପରେ ଏକ ଅଧ୍ୟାଦେଶ ଆଣିବା ପରଠାରୁ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ବାଲ ବିରୋଧୀ ଦଳଗୁଡ଼ିକୁ ଏକଜୁଟ କରିବା ପାଇଁ ପ୍ରୟାସ ଚଳାଇଛନ୍ତି। ଏହି ଅଭିଯାନ ଅଧୀନରେ ସେ ବିରୋଧୀ ଦଳ ଦ୍ୱାରା ଶାସିତ ବିଭିନ୍ନ ରାଜ୍ୟର ମୁଖ୍ୟମନ୍ତ୍ରୀ ଏବଂ ଅନ୍ୟାନ୍ୟ ନେତାଙ୍କୁ ଭେଟୁଛନ୍ତି। ବର୍ତ୍ତମାନ କେଜ୍ରିଓ୍ବାଲ ଜୁନ ୭ରେ ଲକ୍ଷ୍ନୌରେ ସମାଜବାଦୀ ପାର୍ଟି ଜାତୀୟ ସଭାପତି ଅଖିଳେଶ ଯାଦବଙ୍କୁ ଭେଟିବେ ବୋଲି ଜଣାପଡିଛି। ଏହି ସାକ୍ଷାତ ସମୟରେ କେଜ୍ରିଓ୍ବାଲ କେନ୍ଦ୍ର ସରକାରଙ୍କ ଅଧ୍ୟାଦେଶ ବିରୋଧରେ ଏସ୍ପି ମୁଖ୍ୟଙ୍କ ସହାୟତା ଲୋଡିବେ। ଏଥିସହ ଲୋକ ସଭା ନିର୍ବାଚନ, ବିରୋଧୀ ଏକତା ସମେତ ରାଜନୈତିକ ପ୍ରସଙ୍ଗ ଉପରେ ମଧ୍ୟ ଆଲୋଚନା ହେବ। ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ବାଲ, ଅଖିଳେଶ ଯାଦବଙ୍କ ସହ ପଞ୍ଜାବ ମୁଖ୍ୟମନ୍ତ୍ରୀ ଭଗବନ୍ତ ମାନ, ରାଜ୍ୟସଭା ଏମ୍ପି ସଞ୍ଜୟ ସିଂ, ରାଘବ ଚଡ୍ଡା ମଧ୍ୟ ଉପସ୍ଥିତ ରହିବେ।
