ମୁମ୍ବାଇ,୨୦।୧୦: କ୍ରୁଜ୍ ଡ୍ରଗ୍ସ ମାମଲାରେ ଜେଲ୍ରେ ଥିବା ବଲିଉଡ ଅଭିନେତା ଶାହରୁଖ ଖାନ୍ ପୁଅ ଆର୍ୟନଙ୍କ ଅଡୁଆ ବିଛି। ଡ୍ରଗ୍ସ ବିଷୟରେ ସେ ଜଣେ ବଲିଉଡ୍ ଅଭିନେତ୍ରୀଙ୍କ ସହ କଥା ହୋଇଥିବା ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ(ଏନ୍ସିବି)କୁ ପ୍ରମାଣ ମିଳିଛି। ବୁଧବାର ତାଙ୍କର ଜାମିନ ଶୁଣାଣି ହେବାକୁ ଥିବା ବେଳେ ତା’ପୂର୍ବରୁ କୋର୍ଟରେ ତାଙ୍କ ବିରୋଧରେ ଆଉ କିଛି ତଥ୍ୟ ଦାଖଲ କରିଛି ଏନ୍ସିବି। ଅକ୍ଟୋବର ୨ରେ କ୍ରୁଜ ପାର୍ଟି ବେଳେ ସେ ବଲିଉଡ୍ର ଜଣେ ଅଭିନେତ୍ରୀଙ୍କ ସହିତ ଡ୍ରଗ୍ସ ବିଷୟରେ କଥାବାର୍ତ୍ତା ହୋଇଥିଲେ। ଡ୍ରଗ୍ସକୁ ନେଇ ସେମାନଙ୍କ ମଧ୍ୟରେ ଡ୍ରଗ୍ସ ନେଇ ହୋଇଥିବା ଚାଟ ମେସେଜ ଗୁଡ଼ିକ ଏନ୍ସିବି କୋର୍ଟରେ ଦାଖଲ କରିଥିବା ଜଣାପଡିଛି। ତେବେ ସେହି ଅଭିନେତ୍ରୀ ଜଣଙ୍କ କିଏ ସେନେଇ କିଛି ଜଣାପଡିନାହିଁ।
ସୂଚନାଯୋଗ୍ୟ, ଅକ୍ଟୋବର ୨ରେ ମୁମ୍ବାଇରେ କ୍ରୁଜ ପାର୍ଟିରେ ଚାଉ ପରେ ଆର୍ୟନଙ୍କ ସମେତ ୮ ଜଣଙ୍କୁ ଏନ୍ସିବି ଗିରଫ କରିଥିଲା।