ବମ୍ବେ: ଜେଲରୁ ମୁକୁଳି ଘରକୁ ଗଲେ ବଲିଉଡ୍ କିଙ୍ଗ ଖାନଙ୍କ ପୁଅ ଆର୍ୟନ। ଶନିବାର ସକାଳେ ସେ ମୁମ୍ବାଇର ଆର୍ଥର ରୋଡ୍ ଜେଲରୁ ବାହାରିଛନ୍ତି। ତାଙ୍କୁ ଶାହାରୁଖଙ୍କ ବଡ଼ିଗାର୍ଡ ସହ ତିନି ଗାଡ଼ି ପାଛୋଟି ନେଉଥିବା ଦେଖାଯାଇଛି। ଏହାକୁ ନେଇ ଶାହାରୁଖଙ୍କ ପ୍ରଶଂସକ ପ୍ରବଳ ଗହଳି ଜମାଇଥିଲେ। ଏପରିକି ଘର ‘ମନ୍ନତ’ ବାହାରେ ମଧ୍ୟ ବାଣ ଫୁଟାଇ ଖୁସିବ୍ୟକ୍ତ କରୁଛନ୍ତି।
କହିରଖୁଛୁ, କ୍ରୁଜ୍ ଜାହାଜରେ ଡ୍ରଗ୍ସ ମିଳିବା ପରେ ଆର୍ୟନଙ୍କୁ ଗିରଫ କରାଯାଇଥିଲା। ସେ ଦୀର୍ଘ ୨୫ ଦିନ ଧରି ଜେଲରେ ଥିଲେ। ଲଗାତାର ଭାବେ ତାଙ୍କ ଜାମିନ ନେଇ ଆବେଦନ କରାଯାଉଥିଲା। ଶେଷରେ ଗୁରୁବାର ତାଙ୍କୁ ବମ୍ବେ ହାଇକୋର୍ଟ ସର୍ତ୍ତମୂଳକ ଜାମିନ ପ୍ରଦାନ କରିଥିଲେ। ୧୪ଟି ସର୍ତ୍ତ ଥାଇ ଜାମିନ ପରେ ମଧ୍ୟ ତାଙ୍କୁ ଜେଲରେ ରହିବାକୁ ପଡ଼ିଥିଲା। କାରଣ କିଛି କାଗଜପତ୍ର କାମ ବାକି ରହିଥିଲା।