ମୁମ୍ବାଇ,୨୯।୧୦ : ବଲିଉଡ୍ ଷ୍ଟାର ଶାହରୁଖ ଖାଁଙ୍କ ପୁଅ ଆର୍ୟନ ଖାନ୍ଙ୍କୁ ଗୁରୁବାର ବମ୍ବେ ହାଇକୋର୍ଟ ଜାମିନ ପ୍ରଦାନ କରିଛନ୍ତି। ହେଲେ ଆର୍ୟନ ମୁମ୍ବାଇର ଆର୍ଥର ରୋଡ ଜେଲରୁ ଶୁକ୍ରବାର ମଧ୍ୟ ମୁକୁଳିପାରି ନାହାନ୍ତି। କାରଣ କୋର୍ଟଙ୍କ ଅର୍ଡର ସନ୍ଧ୍ୟା ସାଢେ ୫ଟା ସୁଦ୍ଧା ଜେଲ କର୍ତ୍ତୃପକ୍ଷଙ୍କ ନିକଟରେ ପହଞ୍ଚି ପାରିନାହିଁ । ଫଳରେ ସେ ଶୁକ୍ରବାର ରାତି ଜେଲରେ ରହିବେ ବୋଲି ଜେଲ ଅଧିକାରୀ ସ୍ପଷ୍ଟ କରିଛନ୍ତି। ବମ୍ବେ ହାଇକୋର୍ଟ ଗୁରୁବାର ଆର୍ଯ୍ୟନଙ୍କ ସମେତ ମୁନମୁନ ଧାମେଚା ଓ ଅରବାଜ ମର୍ଚ୍ଚାଣ୍ଟଙ୍କୁ ଜାମିନ ପ୍ରଦାନ କରିଥିଲେ।