ବେଙ୍ଗାଲୁରୁ,୨୬ା୧୨: ଚଳିତ ବର୍ଷ କୋଭିଡ୍ କଟକଣା ଯୋଗୁ ଉପତ୍ାଦନ ଓ ଆମଦାନୀରେ ଅନେକ ସମସ୍ୟା କାରଣରୁ ଖାଇବାତେଲର ଦର ଅନେକାଂଶରେ ବୃଦ୍ଧି ପାଇଥିଲା। ଫଳରେ ଖାଉଟି ସରକାରଙ୍କ ଉପରେ ଅସନ୍ତୋଷ ପ୍ରକାଶ କରିଥିଲେ। ଏଭଳି ପରିସ୍ଥିତିରେ ସରକାର ମଧ୍ୟ ଏହାକୁ ଗୁରୁତ୍ୱ ସହ ଗ୍ରହଣକରି ଦର ହ୍ରାସ ବିଷୟରେ ବ୍ୟାପକ ପଦକ୍ଷେପ ଗ୍ରହଣ କରିଥିଲେ। ଫଳରେ ଗତ କିଛି ମାସ ହେବ ଖାଇବାତେଲର ଦର ଧୀରେ ଧୀରେ ହ୍ରାସ ପାଇଛି। ଅନ୍ତର୍ଜାତୀୟ ବଜାରରେ ଦର ଉଚ୍ଚା ଥିଲେ ମଧ୍ୟ ସରକାରଙ୍କ ପକ୍ଷରୁ ସର୍ବନିମ୍ନ ଆମଦାନୀ ଶୁଳ୍କ ଲାଗୁ ଯୋଗୁ ଏହା ସମ୍ଭବ ହୋଇପାରିଛି। ସେହିପରି ଗତ ବର୍ଷ ସୂର୍ଯ୍ୟମୁଖୀ ତେଲ ଉପରେ ଆମଦାନୀ ହୋଇଥିବା ଅଶୋଧିତ ସୂର୍ଯ୍ୟମୁଖୀ ତେଲର ଅଧିକ ମୂଲ୍ୟ, ଉତ୍ପାଦନ ଏବଂ ପରିବହନ ଖର୍ଚ୍ଚ ବଢ଼ିବା ସହ କମ୍ ଉତ୍ପାଦନରେ ବୃଦ୍ଧି ଘଟିଛି। ଅଶୋଧିତ ସୂର୍ଯ୍ୟମୁଖୀ ତେଲ ଉପରେ ଶୁଳ୍କ ହ୍ରାସ ସହିତ କେନ୍ଦ୍ର ସରକାରଙ୍କ ହସ୍ତକ୍ଷେପ ସୂର୍ଯ୍ୟମୁଖୀ ତେଲର ମୂଲ୍ୟ ହ୍ରାସ ଘଟିବାରେ ବେଶ୍ ସହାୟକ ହୋଇଛି। ଏ ସମ୍ପର୍କରେ ଫ୍ରିଡମ୍ ହେଲ୍ଥ କୁକିଙ୍ଗ୍ ଅଏଲର ବରିଷ୍ଠ ଉପସଭାପତି (ମାର୍କେଟିଂ ଓ ସେଲ୍ସ) ପି. ଚନ୍ଦ୍ରଶେଖର ରେଡ୍ଡୀ କହିଛନ୍ତି, ଅଧିକାଂଶ ସୂର୍ଯ୍ୟମୁଖୀ ତେଲ ବିଶେଷକରି ପ୍ରାୟ ୭୦% ଉପଯୋଗ ଦକ୍ଷିଣ ଭାରତ ଏବଂ ଓଡ଼ିଶାରେ ହୋଇଥାଏ। ସୂର୍ଯ୍ୟମୁଖୀ ତେଲ ମୁଖ୍ୟତଃ ୟୁକ୍ରେନ ଏବଂ ରୁଷିଆରୁ ଆମଦାନୀ କରାଯାଏ। ସେହିପରି ଏହା କମ୍ପାନୀର କାକିନାଡ଼ା ଏବଂ କୃଷ୍ଣପାଟନମ୍ଠାରେ ଅତ୍ୟାଧୁନିକ ରିଫାଇନେରିରେ ବିଶୋଧନ କରାଯାଏ।