ସୋସିଆଲ ମିଡିଆରେ ଏବେ ଏମିତି ଏକ ଭିଡିଓ ଭାଇରାଲ ହୋଇଛି, ଯାହା ଦେଖିଲେ ପ୍ରଥମେ ଭୟ କରିବେ ପରେ ହସି ହସି ଗଡ଼ିଯିବେ। ଜଣେ ବ୍ୟକ୍ତି ରାସ୍ତା ପାର୍ଶ୍ୱରେ ଏକ ଧଳା ଚାଦର ଘୋଡ଼େଇ ହୋଇ ଶୋଇଛନ୍ତି। ମୃତଦେହ ପଡ଼ିଥିବା ଭାବି ଲୋକେ ଭିଡ଼ ଜମାଇଥିଲେ। ମାତ୍ର ଏହି ବ୍ୟକ୍ତିଜଣକ ଯେମିତି ଉଠି ଠିଆ ହୋଇଛନ୍ତି। ଦେଖଣାହାରୀମାନେ ଭୟରେ ସେଠାରୁ ଦୌଡ଼ି ପଳାଉଥିବା ଭିଡିଓଟିରେ ନଜର ଆସିଛି।
ଏହି ମଜାଳିଆ ଭିଡିଓଟିକୁ ଆଇଏଏସ୍ ଅଫିସର ଅବନୀଶ ଶରଣ ତାଙ୍କ ଟୁଇଟ୍ର ପେଜ୍ରେ ଶେୟାର କରିଛନ୍ତି। ଭିଡିଓରେ ଦେଖାଇଯାଇଛି ରାସ୍ତା ପାର୍ଶ୍ୱରେ ପ୍ଲାଷ୍ଟିକ୍ର ଏକ ଧଳା ଚାଦର ଘୋଡ଼ାଇ ହୋଇ ଜଣେ ବ୍ୟକ୍ତି ଶୋଇଥିଲେ। ମୃତଦେହ ଭାବି ଲୋକେ ଭିଡ଼ ଜମାଇଥିଲେ। ଏହା ଦେଖି ପୋଲିସ ମଧ୍ୟ ଘଟଣାସ୍ଥଳରେ ପହଞ୍ଚିଥିଲା। ପୋଲିସ କର୍ମଚାରୀମାନେ ଯେମିତି ଚାଦର ଉଠାଇଛନ୍ତି, ବ୍ୟକ୍ତିଜଣକ ଠିଆ ହୋଇପଡ଼ିଲେ। ତାଙ୍କୁ ଏପରି ଅବସ୍ଥାରେ ଦେଖି ଭିଡ଼ ଜମାଇଥିବା ଲୋକେ ଦୌଡ଼ି ପଳାଇଲେ। ବ୍ୟକ୍ତିଜଣକ ମଧ୍ୟ ଭିଡ଼ ଦେଖି ଆଶ୍ଚର୍ଯ୍ୟ ହୋଇଗଲେ।
ଭିଡିଓଟିକୁ ଶେୟାର କରି ଅବନୀଶ କ୍ୟାପଶନ୍ ଲେଖିଛନ୍ତି, ଆଜିକାଲି ଲୋକଙ୍କୁ ଶାନ୍ତିରେ ବି ଶୋଇବାକୁ ଦେବେନି। ଏହି ଭିଡିଓଟି ସୋସିଆଲ ମିଡିଆରେ ବେଶ୍ ଭାଇରାଲ ହେବାରେ ଲାଗିଛି। ସେପ୍ଟେମ୍ବର ୯ ଅର୍ଥାତ୍ ଆଜି ସକାଳ ୧୦ଟାରେ ଶେୟାର ହୋଇଥିବା ଏହି ଭିଡିଓଟିକୁ ବର୍ତ୍ତମାନ ସୁଦ୍ଧା ହଜାରରୁ ଅଧିକ ଲୋକ ପସନ୍ଦ କରିଥିବା ବେଳେ ୨୯୪ ରି-ଟୁଇଟ୍ ହୋଇସାରିଲାଣି। ୟୁଜରମାନେ ମଧ୍ୟ ମଜାଳିଆ କମେଣ୍ଟ ସବୁ ଦେଉଛନ୍ତି।