ଭୁବନେଶ୍ୱର,୨୭।୧୨: ଦେଶ ବିକାଶରେ ଭାଗୀଦାରି ହେବା ପାଇଁ ଦେଶବାସୀଙ୍କ ମଧ୍ୟରେ ଉତ୍ସାହ ରହିଛି। ଯାହାର ଫଳ ସ୍ବରୂପ ୨୦୨୦-୨୧ ଆର୍ଥିକ ବର୍ଷ ପାଇଁ ୪.୪୩ କୋଟିରୁ ଊର୍ଦ୍ଧ୍ୱ ଆୟକର ରିଟର୍ନ (ଆଇଟିଆର୍) ଦାଖଲ ହୋଇଛି। ଯେଉଁଥିରେ ଡିସେମ୍ବର ୨୫ ମଧ୍ୟରେ ୧୧.୬୮ଲକ୍ଷରୁ ଅଧିକ ରିଟର୍ନ ଦାଖଲ କରାଯାଇଛି ବୋଲି ଆଇଟି ବିଭାଗ ପକ୍ଷରୁ ସୂଚନା ଦିଆଯାଇଛି। ରବିବାର ଏ ନେଇ ବିଭାଗୀୟ ବରିଷ୍ଠ ଅଧିକାରୀ ସୂଚନା ଦେଇଛନ୍ତି ଯେ ଚଳିତ ବର୍ଷ ଡିସେମ୍ବର ୨୫ ପର୍ଯ୍ୟନ୍ତ ୨.୪୧କୋଟିରୁ ଅଧିକ ଆଇଟିଆର୍-୧ ଏବଂ ୧.୦୯ କୋଟି ଆଇଟିଆର୍-୪ରେ ଅନ୍ତର୍ଭୁକ୍ତ ରହିଛି। ଚଳିତ ବର୍ଷ ଡିସେମ୍ବର ୨୫ ସୁଦ୍ଧା ୧୧,୬୮,୦୨୭ ଆଇଟିଆର୍ ଦାଖଲ କରାଯାଇଛି। ସେହିଭଳି ବିଭାଗ ଟିକସଦାତାମାନଙ୍କୁ ଏସ୍ଏମ୍ଏସ୍ ଏବଂ ଇମେଲ୍ ପଠାଇ ୨୦୨୦-୨୧ଆର୍ଥିକ ବର୍ଷ ପାଇଁ ରିଟର୍ନ ଦାଖଲ କରିବାକୁ ସୂଚନା ପ୍ରଦାନ କରିଛି। ଆଇଟିଆର୍ ଫର୍ମ ୧ (ସହଜ) ଏବଂ ଆଇଟିଆର୍ ଫର୍ମ ୪ (ସୁଗମ) ହେଉଛ।