ଲକ୍ଷ୍ନୌ/ଇସଲାମାବାଦ,୧୪।୪: ଉତ୍ତର ପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ଆକ୍ସନକୁ ନେଇ ନା କେବଳ ମାଫିଆ ଭୟ କରି ଯାଉଛନ୍ତି ବରଂ ଏହାର ପ୍ରଭାବ ପଡୋଶୀ ଦେଶ ପାକିସ୍ତାନ ଉପରେ ପଡୁଥିବା ଦେଖାଯାଇଛି। ଭାରତରେ ଯେଉଁଭଳି ଭାବେ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ଆକ୍ସନ ମାଫିଆଙ୍କ ବିରୋଧରେ ଯାଉଛି ଏଥିରେ ପଡୋଶୀ ଦେଶ ବି ହଡବଡେଇ ଯାଇଛି।
ଏପ୍ରିଲ ୧୩ରେ ମଧ୍ୟ ପ୍ରଦେଶର ଝାନ୍ସିରେ ଉମେଶ ପାଲ ହତ୍ୟାକାଣ୍ଡର ମୁଖ୍ୟ ଅଭିଯୁକ୍ତ ଅସଦଙ୍କୁ ଉତ୍ତର ପ୍ରଦେଶ ଏସଟିଏଫ ଯେଉଁଭଳି ଭାବେ ଏନକାଉଣ୍ଟର କଲା ତାହା ସମସ୍ତଙ୍କୁ ଚମକାଇ ଦେଇଛି। ଅସଦ ଉତ୍ତର ପ୍ରଦେଶର ମାଫିଆ ଅତିକ ଅହମଦଙ୍କ ପୁଅ। ଏହା ପୂର୍ବରୁ ଯୋଗୀ ସବୁବେଳେ କହି ଆସୁଛନ୍ତି କି ତାଙ୍କର ଲକ୍ଷ୍ୟ ୟୁପିରୁ ମାଫିଆଙ୍କୁ ସଫା କରିବା। ଅସଦଙ୍କ ଏନକାଉଣ୍ଟର ପରେ ତାଙ୍କର କନେକ୍ସନ ପାକିସ୍ତାନ ସହ ଯୋଡି ଦେଖାଯାଉଛି।
ଏନକାଉଣ୍ଟର ପରେ ଅସଦଙ୍କଠାରୁ ଯେଉଁ ଅସ୍ତ୍ରଶସ୍ତ୍ର ଜବତ କରାଯାଇଛି ତାହା ପାକିସ୍ତାନରୁ ଆସିଥିବା ପୋଲିସ କହିଛି। ଏହା ଡ୍ରୋନ ଯୋଗେ ଭାରତ ଆସିଥିବା କୁହାଯାଉଛି। ଏହାର ସବୁଠାରୁ ବଡ କ୍ରେତା ଅତିକ ଥିବା କୁହାଯାଉଛି। ମାଫିଆ ଅତିକଙ୍କ ଉପରେ ଆକ୍ସନ ନିଆଯିବା ପରେ ଏବେ ପଡୋଶୀ ଦେଶ ପାକିସ୍ତାନର ହୋସ ଉଡିଯାଇଛି।