ନୂଆଦିଲ୍ଲୀ,୨୦ ।୨: ରାଜଧାନୀ ଦିଲ୍ଲୀରେ ଏଆଇଏମଆଇଏମର ମୁଖ୍ୟ ଅସଦୁଦ୍ଦିନ ଓୱାଇସିଙ୍କ ଘର ଉପରକୁ ରବିବାର ସନ୍ଧ୍ୟାରେ ପଥରମାଡ ହୋଇଛି । ଏହି ପଥରମାଡରେ ଓୱାଇସିଙ୍କ ଘରର ଘରକା ଭାଙ୍ଗି ଯାଇଛି । ଏ ସମ୍ପର୍କରେ ସୂଚନା ଦିଲ୍ଲୀ ପୋଲିସ ଦେଇଛି । ପଥରମାଡ ପରେ ଓୱାଇସି ପୋଲିସକୁ ଯୋଗାଯୋଗ କରି ସୂଚନା ଦେଇଥିଲେ ।
ଏଆଇଏମଆଇଏମର ମୁଖ୍ୟ ଅସଦୁଦ୍ଦିନ ଓୱାଇସି ଅଭିଯୋଗ କରିଛନ୍ତି କି କେତେଜଣ ଅଜ୍ଞାତ ଅପରାଧି ତାଙ୍କ ଦିଲ୍ଲୀ ସ୍ଥିତ ଘର ଉପରକୁ ପଥରମାଡ କରିଛନ୍ତି । ଏହି ଘଟଣା ଅଶୋକ ରୋଡ ଅଞ୍ଚଳରେ ରବିବାର ପ୍ରାୟ ସନ୍ଧ୍ୟା ସାଢେ ୫ଟାରେ ଘଟିଛି । ସୂଚନା ପାଇ ଅତିରିକ୍ତ ଡିସିପିଙ୍କ ନେତୃତ୍ୱରେ ଏକ ପୋଲିସ ଟିମ ଓୱାଇସିଙ୍କ ଘରେ ପହଞ୍ଚି ପ୍ରମାଣ ଏକାଠି କରିଛି ।
ଓୱାଇସି କହିଛନ୍ତି ସେ ରବିବାର ରାତି ପ୍ରାୟ ସାଢେ ୧୧ଟାରେ ସେ ଘରେ ପହଞ୍ଚି ଏହା ଦେଖିଥିଲେ । ତାଙ୍କ ଘରେ ଥିବା କେୟାର ଟେକରଙ୍କ ସୂଚନା ଅନୁଯାୟୀ ସନ୍ଧ୍ୟା ପ୍ରାୟ ସାଢେ ୫ଟାରେ ଏହି ଘଟଣା ଘଟିଛି । ଓୱାଇସି କହିଛନ୍ତି ତାଙ୍କ ଘର ଉପରକୁ ପଥରମାଡ ଘଟଣାର ଏହା ହେଉଛି ଚତୁର୍ଥଥର । ତେଣୁ ମୋ ଘର ନିକଟରେ ଲାଗିଥିବା ସିସିଟିଭିରେ ସମସ୍ତ ଘଟଣା ରେକର୍ଡ ହୋଇଛି ତେଣୁ ଦୋଷୀଙ୍କୁ ଶୀଘ୍ର ଦଣ୍ଡ ଦିଆଯାଇ ବୋଲି ଓୱାଇସି ଦାବି କରିଛନ୍ତି ।