ପାଟନା,୨୬।୫: ଲୋକ ସଭା ନିର୍ବାଚନ ୨୦୨୪ର ସପ୍ତମ ତଥା ଶେଷ ପର୍ଯ୍ୟାୟ ପାଇଁ ବିହାରରେ ଏଆଇଏମ୍ଆଇଏମ୍ ମୁଖ୍ୟ ଅସଦୁଦ୍ଦିନ ଓୱାଇସି ମଧ୍ୟ ନିଜର ସମ୍ପୂର୍ଣ୍ଣ ଶକ୍ତି ପ୍ରଦାନ କରଛନ୍ତି। ଏହି ସମୟରେ ଓୱାଇସି ପାଲିଗଞ୍ଜରେ ପ୍ରଧାନମନ୍ତ୍ରୀ ମୋଦିଙ୍କୁ ଟାର୍ଗେଟ କରିଥିଲେ। ସେହି ଦିନ ଆଉ ବେଶୀ ଦୂର ନୁହେଁ, ଯେଉଁ ଦିନ ପ୍ରଧାନମନ୍ତ୍ରୀ ମୋଦି କହିବେ ମୋତେ ପୂଜା କର ବୋଲି ଓଓ୍ବାଇସି କହିଛନ୍ତି।
ପାଲିଗଞ୍ଜରେ ଏକ ସାଧାରଣ ସଭାରେ ସମ୍ବୋଧିତ କରି ଆସାଦୁଦ୍ଦିନ ଓୱାଇସି କହିଛନ୍ତି, ୨୦୧୪ରେ ମୋଦି ଜୀ କହିଥିଲେ, ସେ ଭଲ ଦିନ ଆଣିବେ। ସମସ୍ତଙ୍କ ବ୍ୟାଙ୍କ ଆକାଉଣ୍ଟକୁ ୧୫ ଲକ୍ଷ ଆସିବ ଏବଂ ପ୍ରତିବର୍ଷ ୨ କୋଟି ଚାକିରି ଯୋଗାଇ ଦିଆଯିବ। ୨୦୧୯ ବର୍ଷ ଆରମ୍ଭ ହେବା ପରେ ପ୍ରଧାନମନ୍ତ୍ରୀ ମୋଦି କହିଥିଲେ ଯେ ମୁଁ ତୁମର ଚୌକିଦାର ଅଟେ। ଅନ୍ୟପକ୍ଷରେ ନିର୍ବାଚନ ଶେଷ ହେବା ପରେ ସେ କହିଥିଲେ ଯେ ମୁଁ ତୁମର ସେବକ। ୨୦୨୪ରେ ସେ କହୁଛନ୍ତି ଯେ ମୁଁ ବାୟୋଲୋଜିକାଲି ଜନ୍ମ ହୋଇ ନାହିଁ। ପରମାତ୍ମା ମୋତେ କିଛି ଉଦ୍ଦେଶ୍ୟରେ ସୃଷ୍ଟି କରିଛନ୍ତି। ନିର୍ବାଚନ ଫଳାଫଳ ଆସିଲେ ମୋଦି ଜୀ କହିବେ, ମୁଁ ସବୁକିଛି, କେବଳ ମୋତେ ପୂଜା କର।