ଲକ୍ଷ୍ନୌ,୨।୫: ଉତ୍ତରପ୍ରଦେଶର ମୋରାଦାବାଦରେ ହେବାକୁ ଥିବା ନଗର ନିଗମ ନିର୍ବାଚନରେ ପ୍ରଚାର କରିବା ପାଇଁ ଏଆଇଏମଆଇଏମ୍ର ମୁଖ୍ୟ ଅସଦୁଦ୍ଦିନ ଓୱାଇସି ଉମ୍ରି କାଲା ନାଗର ପଞ୍ଚାୟତରେ ପହଞ୍ଚିଛନ୍ତି। ସେଠାରେ ଏକ ସାଧାରଣ ସଭାକୁ ସମ୍ବୋଧିତ କରିବା ସମୟରେ ଓୱାଇସି ଅତିକ୍ -ଅଶ୍ରଫଙ୍କ ହତ୍ୟା ମାମଲାକୁ ନେଇ ଯୋଗୀ ସରକାରଙ୍କ ଉପରେ ବର୍ଷିଛନ୍ତି। ଓୱାଇସି କହିଛନ୍ତି, ଯଦି ଗୁଳିର ଜବାବ ଗୁଳିରେ ଦିଆଯାଏ, ତେବେ ସରକାର ଏବଂ ଅପରାଧୀଙ୍କ ମଧ୍ୟରେ ପାର୍ଥକ୍ୟ କ’ଣ?
ଓୱାଇସି ଯୋଗୀ ସରକାରଙ୍କୁ ଅତିକ୍ -ଅଶ୍ରଫଙ୍କ ହତ୍ୟା ମାମଲାକୁ ନେଇ ବାରମ୍ବାର ପ୍ରଶ୍ନ କରୁଛନ୍ତି। ସୋମବାର ଯେତେବେଳେ ନଗର ନିଗମ ନିର୍ବାଚନ ପ୍ରଚାର ପାଇଁ ଓୱାଇସି ମୋରାଦାବାଦରେ ପହଞ୍ଚିଥିଲେ, ସେତେବେଳେ ସେ ପୁଣିଥରେ ମୁଖ୍ୟମନ୍ତ୍ରୀ ଯୋଗୀଙ୍କୁ ଟାର୍ଗେଟ କରିଥିଲେ। ଅତିକ୍ -ଅଶ୍ରଫଙ୍କଙ୍କୁ ହତ୍ୟା କରିଥିବା ତିନି ଅଭିଯୁକ୍ତଙ୍କ ଘରକୁ ସରକାର କାହିଁକି ବୁଲଡୋଜର ଚଳାଇ ନାହାଁନ୍ତି ବୋଲି ପ୍ରଶ୍ନ ଉଠାଇଥିଲେ।