ଜୟପୁର,୧୯।୧୦: ରାଜସ୍ଥାନ ମୁଖ୍ୟମନ୍ତ୍ରୀ ଅଶୋକ ଗେହଲଟ ଗୁରୁବାର ଅନୁଷ୍ଠିତ ଖବରଦାତା ସମ୍ମିଳନୀରେ ବିଭିନ୍ନ ଗୁରୁତ୍ୱପୂର୍ଣ୍ଣ ପ୍ରସଙ୍ଗ ଉପରେ କହିଛନ୍ତି। ଏହି ସମୟରେ ସେ ଇଡି ଚଢାଉ ସମ୍ପର୍କରେ କେନ୍ଦ୍ର ସରକାରଙ୍କୁ ଟାର୍ଗେଟ କରିଛନ୍ତି। ଏଥିସହ ସେ ତାଙ୍କ ମୁଖ୍ୟମନ୍ତ୍ରୀ ପଦ ଛାଡିବା ସମ୍ପର୍କରେ ଏକ ବିବୃତ୍ତି ମଧ୍ୟ ଦେଇଛନ୍ତି।
ପୁନର୍ବାର ମୁଖ୍ୟମନ୍ତ୍ରୀ ହେବାର ପ୍ରଶ୍ନ ଉପରେ ପ୍ରଥମେ ଅଶୋକ ଗେହଲଟ ଏକ ହାସ୍ୟାସ୍ପଦ ସ୍ବରରେ କହିଛନ୍ତି, କଂଗ୍ରେସରେ ଯିଏ ମୁଖ୍ୟମନ୍ତ୍ରୀ ପ୍ରାର୍ଥୀ ସେ ମୁଖ୍ୟମନ୍ତ୍ରୀ ନୁହଁନ୍ତି। ନିଜ ସରକାରର ସ୍ବାସ୍ଥ୍ୟ ଯୋଜନାକୁ ଗଣନା କରି ସେ କହିଛନ୍ତ, ମୁଁ ଏହି ପଦ ଛାଡିବାକୁ ଚାହୁଁଛି କିନ୍ତୁ ଏହି ପଦ ମୋତେ ଛାଡୁନାହିଁ ଏବଂ ମୋତେ ଛାଡିବ ବି ନାହିଁ। ନିଶ୍ଚୟ ଏପରି କିଛି ଅଛି ଯାହା ଗାନ୍ଧୀ ପରିବାର ମୋତେ ବିଶ୍ୱାସ କରନ୍ତି।