ଭୁବନେଶ୍ୱର,୨୧।୨: ଦେଶର ପ୍ରମୁଖ ଭାରିଯାନ ଅଟୋଶିଳ୍ପ କମ୍ପାନୀ ହିନ୍ଦୁଜା ଗ୍ରୁପର୍ ଫ୍ଲାଗଶିପ୍ ଅଶୋକ ଲେଲାଣ୍ଡ ଇଲେକ୍ଟ୍ରି ଭେଇକିଲ (ଇଭି) କ୍ଷେତ୍ରକୁ ପ୍ରବେଶ କରିବାକୁ ଯୋଜନା କରିଥିବା ସୂଚନା ମିଳିଛି। ବର୍ତ୍ତମାନର ପରିସ୍ଥିତି ଓ ସରକାରଙ୍କ ଆହ୍ବାନ ଏବଂ ଏକ ସବୁଜ ପରିବେଶ ସୃଷ୍ଟି ଓ ଏହାର ଗତିଶୀଳତାକୁ ନଜରରେ ରଖି କମ୍ପାନୀ ଇଭି ଯାନବାହନ ଚଳାଚଳ କରିବା ପାଇଁ କମ୍ପାନୀ ଯୋଜନା କରୁଥିବା ଏହାର ଜଣେ ବରିଷ୍ଠ ଅଧିକାରୀ ସୂଚନା ଦେଇଛନ୍ତି। ଚେନ୍ନାଇର ଏକ ଫାର୍ମ ଏହାର ବ୍ୟବସାୟିକ ଯାନ ପରିସର ପାଇଁ ସିଏନଜି ହାଇଡ୍ରୋଜେନ ଏବଂ ଇଲେକ୍ଟ୍ରିକ୍ ଭଳି ବିକଳ୍ପ ଇନ୍ଧନ ଉପରେ ଆଧାର କରି ପାୱାର୍ ଟ୍ରେନ୍ ବିକାଶ ପାଇଁ ୫୦୦ କୋଟି ଟଙ୍କା ବିନିଯୋଗ କରିଛି। ସେହିଭଳି ଇଲେକ୍ଟ୍ରିକ୍ ମୋବିଲିଟି ପାଇଁ ଏହାର ୟୁକେଭିତ୍ତିକ ମୋବିଲିଟି ମାଧ୍ୟମରେ କମ୍ପାନୀ ୨୦୦ ମିଲିୟନ୍ ଡଲାର୍ (ପ୍ରାୟ ୧,୫୦୦ କୋଟି) ବିନିଯୋଗ ଘୋଷଣା କରିସାରିଛି।
ଏ ସମ୍ପର୍କରେ ଅଶୋକ ଲେଲାଣ୍ଡର ଇଡି ଧୀରଜ ହିନ୍ଦୁଜା କହିଛନ୍ତି, ଭାରତରେ ଆମେ ଅଶୋକ ଲେଲାଣ୍ଡ ସହିତ ଏହାର ଉପଲବ୍ଧ ସୁବିଧାକୁ ସୁଦୃଢ କରିବୁ କିନ୍ତୁ ମୁଁ ନିଶ୍ଚିତ ଯେ ଖୁବ୍ଶୀଘ୍ର ଆମକୁ ଏକ ସ୍ବାଧୀନ ସୁବିଧା ମଧ୍ୟ ଆବଶ୍ୟକ ହେବ ବୋଲି ସେ ମତବ୍ୟକ୍ତ କରିଛନ୍ତି। ବର୍ତ୍ତମାନ ସମୟରେ କମ୍ପାନୀ ଆସନ୍ତା ଦୁଇ ବର୍ଷ ପାଇଁ ଉତ୍ପାଦନ କ୍ଷମତା ସମ୍ବନ୍ଧରେ ନିଜକୁ ଆରାମଦାୟକ ଅନୁଭବ କରୁଛି। ଏପରିକି ଆସନ୍ତା ୨୪ ମାସ କିମ୍ବା ତା’ଠାରୁ ଅଧିକ ସମୟ ପାଇଁ ଆଶୋକ ଲେଲାଣ୍ଡ ଆବଶ୍ୟକ ବୈଦ୍ୟୁତିକ ଉତ୍ପାଦ ଯୋଗାଇବାରେ ସକ୍ଷମ ହେବ।