ଓ୍ବେଲିଂଟନ,୩।୩ : ସ୍ପିନର ଆଷ୍ଟୋନ ଆଗରଙ୍କ ଯାଦୁଗରି ବୋଲିଂ ଯୋଗୁ ନ୍ୟୁଜିଲାଣ୍ଡକୁ ୩ୟ ଟି୨୦ ମ୍ୟାଚ୍ରେ ୬୪ ରନ୍ର ବଡ଼ ବ୍ୟବଧାନରେ ହରାଇ ଦେଇଛି ଅଷ୍ଟ୍ରେଲିଆ। ଏହି ବିଜୟ ସହ ପ୍ରଥମ ଦୁଇ ମ୍ୟାଚ୍ରେ ପରାସ୍ତ ହୋଇଥିବା ଭ୍ରମଣକାରୀ ଅଷ୍ଟ୍ରେଲିଆ ୫ ମ୍ୟାଚ୍ ବିଶିଷ୍ଟ ସିରିଜକୁ ପ୍ରତ୍ୟାବର୍ତ୍ତନ କରିଛି। ସିରିଜ୍ରେ ଏବେ ମଧ୍ୟ ୨-୧ରେ ଆଗୁଆ ଅଛି ଘରୋଇ ନ୍ୟୁଜିଲାଣ୍ଡ ଦଳ। ଏହି ହାଇସ୍କୋରିଂ ମ୍ୟାଚ୍ରେ ଆଗର ୩୦ ରନ୍ ଦେଇ ହାତେଇଥିଲେ ୬ ଉଇକେଟ। ଏହା ଅନ୍ତର୍ଜାତୀୟ ଟି୨୦ରେ ଅଷ୍ଟ୍ରେଲିଆ ପାଇଁ ଶ୍ରେଷ୍ଠ ବୋଲିଂ ପ୍ରଦର୍ଶନ।
ଓ୍ବେଲିଂଟନ ଷ୍ଟାଡିୟମରେ ଖେଳାଯାଇଥିବା ମ୍ୟାଚ୍ରେ ଅଧିନାୟକ ଆରୋନ ଫିଞ୍ଚ (୬୯) ଓ ଗ୍ଲେନ ମ୍ୟାକ୍ସଓ୍ବେଲଙ୍କ ବିସ୍ଫୋରକ ଅର୍ଦ୍ଧଶତକୀୟ ଇନିଂସ ଯୋଗୁ ଅଷ୍ଟ୍ରେଲିଆ ଘରୋଇ ଦଳ ଆଗରେ ଛିଡ଼ା କରିଥିଲା ୨୦୯ ରନ୍ର ବିଶାଳ ବିଜୟ ଲକ୍ଷ୍ୟ। ଜବାବରେ ନ୍ୟୁଜିଲାଣ୍ଡ ୧୭.୧ ଓଭରରେ ୧୪୪ ରନ୍ରେ ଅଲଆଉଟ୍ ହୋଇଯାଇଥିଲା।
