ମୁମ୍ବାଇ,୨୭।୪: ଟିମ ଇଣ୍ଡିଆର ତାରକା ଅଫ ସ୍ପିନର ରବିଚନ୍ଦ୍ରନ ଅଶ୍ୱିନ ଭାରତର ଅନ୍ୟତମ ସଫଳ ବୋଲର ଅଟନ୍ତି। ଆର ଅଶ୍ୱିନ କେବଳ ଟେଷ୍ଟ କ୍ରିକେଟରେ ନୁହେଁ ଦିନିକିଆରେ ମଧ୍ୟ ବ୍ୟାଟ୍ସମ୍ୟାନ୍ଙ୍କୁ ଅସୁବିଧାରେ ପକାଇଥାନ୍ତି। ଏଥର ଅଶ୍ୱିନ ଆଇପିଏଲରେ ରାଜସ୍ଥାନ ରୟାଲ୍ସର ଏକ ଅଂଶ ଅଛନ୍ତି। ମଙ୍ଗଳବାର ଆରସିବି ବିପକ୍ଷରେ ଖେଳାଯାଇଥିବା ମ୍ୟାଚରେ ଅଶ୍ୱିନ ମଧ୍ୟ ଭଲ ବୋଲିଂ କରିଛନ୍ତି, ଏହି ମ୍ୟାଚରେ ଅଶ୍ୱିନ ଅନେକ ସ୍ବତନ୍ତ୍ର ରେକର୍ଡ ସୃଷ୍ଟି କରିଛନ୍ତି। ଅଶ୍ୱିନଙ୍କ ପାଇଁ ଏହି ମ୍ୟାଚ ଅତ୍ୟନ୍ତ ସ୍ମରଣୀୟ ଥିଲା।
ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ (ଆରସିବି) ବିପକ୍ଷରେ ୪ ଓଭରରେ ୪.୨୫ ହାରରେ ଆର ଅଶ୍ୱିନ ୧୭ ରନ ଦେଇ ୩ ଉଇକେଟ ନେଇଥିଲେ। ଅଶ୍ୱିନ ରଜତ ପାଟିଦାର, ଶାହବାଜ ଅହମ୍ମଦ ଏବଂ ସୁୟାଶ ପ୍ରଭାସାଇଙ୍କୁ ଆଉଟ୍ କରିଛନ୍ତି। ଏହା ସହ ଆର ଅଶ୍ୱିନ ଟି-୨୦ କ୍ରିକେଟରେ ୨୭୧ ଉଇକେଟ ନେଇଛନ୍ତି ଏବଂ ଟି-୨୦ କ୍ରିକେଟରେ ସର୍ବାଧିକ ଉଇକେଟ ନେଇଥିବା ଭାରତୀୟ ବୋଲର ହୋଇଛନ୍ତି। ଅଶ୍ୱିନ ଏହି ପ୍ରସଙ୍ଗରେ ପୀୟୁଷ ଚାୱଲାଙ୍କୁ ପଛରେ ପକାଇଛନ୍ତି। ପୀୟୁଷ ଚାୱଲାଙ୍କ ନାମରେ ୨୭୦ ଟି -୨୦ ଉଇକେଟ ନେଇଛନ୍ତି।
ଏହି ମ୍ୟାଚରେ ହରଭଜନ ସିଂଙ୍କ ରେକର୍ଡକୁ ମଧ୍ୟ ଅଶ୍ୱିନ ଭାଙ୍ଗିଛନ୍ତି। ଅଶ୍ୱିନ ଏବେ ଆଇପିଏଲରେ ସର୍ବାଧିକ ଉଇକେଟ ନେଇଥିବା ଅଫ ସ୍ପିନର ହୋଇଛନ୍ତି। ଅଶ୍ୱିନଙ୍କ ନାମରେ ମୋଟ ୧୫୨ ଉଇକେଟ ରହିଛି। ସେ ହରଭଜନ ସିଂଙ୍କ ୧୫୦ ଉଇକେଟର ରେକର୍ଡ ଭାଙ୍ଗିଛନ୍ତି। ଆଇପିଏଲରେ ୧୫୦ରୁ ଅଧିକ ଉଇକେଟ ନେଇଥିବା ଆର ଅଶ୍ୱିନ ମଧ୍ୟ ଷଷ୍ଠ ଭାରତୀୟ ବୋଲର ହୋଇଛନ୍ତି।
ଆଇପିଏଲରେ ୧୫୦ ଉଇକେଟ ନେଇଥିବା ଭାରତୀୟ ବୋଲର
ଅମିତ ମିଶ୍ର ୧୬୬ ଉଇକେଟ
ପୀୟୁଷ ଚାୱଲା ୧୫୭ ଉଇକେଟ
ୟୁଜଭେନ୍ଦ୍ର ଚହଲ ୧୫୭ ଉଇକେଟ
ଭୂବନେଶ୍ୱର କୁମାର ୧୫୧ ଉଇକେଟ
ହରଭଜନ ସିଂ ୧୫୦ ଉଇକେଟ
ଆର ଅଶ୍ୱିନ ୧୫୨ଉଇକେଟ