ଅହମ୍ମଦାବାଦ,୧୪।୧୦: ବିଶ୍ୱକପ୍ ୨୦୨୩ରେ ଶନିବାର ମୁହାଁମୁହିଁ ହେଉଛନ୍ତି ଭାରତ-ପାକିସ୍ତାନ। ଟସ୍ ପରେ ବୋଲିଂ ଚୟନ କରିଥିବା ଭାରତୀୟ ଟିମ୍ ବଡ଼ ପରିବର୍ତ୍ତନ ସହ ମଇଦାନକୁ ଓହ୍ଲାଇଛି। ଈଶାନ କିଶନଙ୍କ ସ୍ଥାନରେ ଶୁଭମନ ଗିଲଙ୍କୁ ସୁଯୋଗ ମିଳିଛି। ସେହିଭଳି ରବିଚନ୍ଦ୍ରନ ଅଶ୍ୱିନ ମଧ୍ୟ ଦଳର ଏକାଦଶରେ ସ୍ଥାନ ପାଇ ନ ଥିବା ଦେଖାଯାଇଛି। ଅହମ୍ମଦାବାଦର ନରେନ୍ଦ୍ର ମୋଦି ଷ୍ଟାଡିୟମରେ ଅଶ୍ୱିନଙ୍କ ରେକର୍ଡ ବେଶ ଭଲ ରହିଛି। ସେ ଏଠାରେ ମାତ୍ର ୮ ଅନ୍ତର୍ଜାତୀୟ ମ୍ୟାଚ୍ରେ ୩୨ ଉଇକେଟ ନେଇଛନ୍ତି। ଏହା ସତ୍ତ୍ୱେ ପାକିସ୍ତାନ ବିପକ୍ଷ ଗୁରୁତ୍ୱପୂର୍ଣ୍ଣ ମ୍ୟାଚ୍ରେ କାହିଁକି ତାଙ୍କୁ ସାମିଲ କରାଗଲା ନାହିଁ ତାକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି। ତେବେ ପୂର୍ବ ଆଫଗାନିସ୍ତାନ ବିପକ୍ଷ ମ୍ୟାଚ୍ରେ ମଧ୍ୟ ଅଶ୍ୱିନ ବାଦ୍ ପଡ଼ିଥିବା ଦେଖାଯାଇଥିଲା।
