ବେଙ୍ଗାଲୁରୁ,୧୪।୩: ଭେଟେରାନ ଭାରତୀୟ ଅଫ୍ ସ୍ପିନର ରବିଚନ୍ଦ୍ରନ ଅଶ୍ୱିନ ସୋମବାର ସର୍ବାଧିକ ଟେଷ୍ଟ ଉଇକେଟ ହାସଲକାରୀ ବୋଲରଙ୍କ ତାଲିକାରେ ପୂର୍ବତନ ଦକ୍ଷିଣ ଆଫ୍ରିକୀୟ ପେସର ଡେଲ ଷ୍ଟେଇନଙ୍କୁ ଟପିଛନ୍ତି। ୨୦୨୦ରେ କ୍ରିକେଟରୁ ଅବସର ନେଇଥିବା ଷ୍ଟେଇନ ୯୩ ଟେଷ୍ଟରେ ୪୩୯ ଉଇକେଟ ନେଇଥିଲେ। କିନ୍ତୁ ଅଶ୍ୱିନ କ୍ୟାରିୟରର ୮୬ତମ ଟେଷ୍ଟରେ ତାଙ୍କ ଟେଷ୍ଟ ଉଇକେଟ ରେକର୍ଡକୁ ପଛରେ ପକାଇଛନ୍ତି। ଏଥିଯୋଗୁ ଟେଷ୍ଟରେ ସର୍ବାଧିକ ଉଇକେଟ ନେଇଥିବା ବୋଲରଙ୍କ ତାଲିକାରେ ଅଶ୍ୱିନ ଏବେ ଅଷ୍ଟମ ସ୍ଥାନରେ ଅଛନ୍ତି।