ନୂଆଦିଲ୍ଲୀ,୧।୧୨: ଭାରତରେ କ୍ରିକେଟ ବୋର୍ଡ ଅଫ କଣ୍ଟ୍ରୋଲ ଅର୍ଥାତ୍ ବିସିସିଆଇ ଦକ୍ଷିଣ ଆଫ୍ରିକା ଗସ୍ତ ପାଇଁ ଭାରତର ଦିନିକିଆ ଦଳ ଘୋଷଣା କରିଛି। ଦିନିକିଆ ଦଳରେ ବିରାଟ କୋହଲି ଏବଂ ରୋହିତ ଶର୍ମା ନାହାଁନ୍ତି। ଏହି ଦିନିକିଆ ଦଳରେ ଚୟନକର୍ତ୍ତାମାନେ ଏପରି ଜଣେ ଖେଳାଳିଙ୍କୁ ବାଛିଛନ୍ତି ଯାହାକୁ ଅନେକ ଭାରତୀୟ କ୍ରିକେଟର ଦେଖି ବହୁତ ଖୁସି ଅଛନ୍ତି। ସେମାନଙ୍କ ମଧ୍ୟରୁ ଜଣେ ହେଉଛନ୍ତି ରବିଚନ୍ଦ୍ରନ ଅଶ୍ୱିନ। ଅଶ୍ୱିନ ଟୁଇଟ୍ କରି ତାଙ୍କୁ ଅଭିନନ୍ଦନ ଜଣାଇବା ସହ ତାଙ୍କୁ ବହୁତ ପ୍ରଶଂସା କରିଛନ୍ତି। ଏହି ଖେଳାଳିଙ୍କ ନାମ ସାଇ ସୁଦର୍ଶନ। ୨୨ ବର୍ଷୀୟା ଗତ କିଛି ମାସ ଧରି ଏକ ଘରୋଇ କ୍ରିକେଟରେ ସେ ଭଲ ପ୍ରଦର୍ଶନ କରିଛନ୍ତି।
ରବିଚନ୍ଦ୍ରନ ଅଶ୍ୱିନ ଟୁଇଟ୍ରେ ଏକ ପୋଷ୍ଟ ଲେଖି ସାଇ ସୁଦର୍ଶନଙ୍କୁ ଅଭିନନ୍ଦନ ଜଣାଇଛନ୍ତି। ନିଜ ପରିଶ୍ରମରେ କୌଣସି ସୁଯୋଗ ହାତ ଛଡା କରି ନ ଥିବା ଏହି ପିଲା ପାଇଁ ପ୍ରକୃତରେ ଖୁସି। ଏହା ଏକ ସମ୍ପୂର୍ଣ୍ଣ ରୋମାଞ୍ଚକର ମୁହୂର୍ତ୍ତ। ବହୁତ ଭଲ।
ଅଶ୍ୱିନଙ୍କ ବ୍ୟତୀତ ଦୀନେଶ କାର୍ତ୍ତିକ ମଧ୍ୟ ଏକ ଟୁଇଟରେ କହିଛନ୍ତି, ସାଇ ସୁଦର୍ଶନଙ୍କ ଚୟନ ଅତ୍ୟନ୍ତ ଭଲ ଏବଂ ସେ ସୁଦର୍ଶନଙ୍କ କଠିନ ପରିଶ୍ରମକୁ ପ୍ରଶଂସା କରିଛନ୍ତି। ଯଦି ଆପଣ ସାଇ ସୁଦର୍ଶନଙ୍କ ଘରୋଇ କ୍ରିକେଟ ଦେଖି ନାହାଁନ୍ତି, ତେବେ ଆଇପିଏଲ ୨୦୨୩ର ଫାଇନାଲ୍ ମ୍ୟାଚ ମନେପକାନ୍ତୁ। ସେହି ମ୍ୟାଚ୍ରେ ଗୁଜରାଟ ପାଇଁ ଖେଳୁଥିବାବେଳେ ଏହି ଯୁବ ଖେଳାଳି ଚେନ୍ନାଇ ସୁପର କିଙ୍ଗ୍ସ ବିପକ୍ଷରେ ୪୭ ବଲରେ ୯୬ ରନ୍ର ଏକ ଇନିଂସ ଖେଳିଥିଲେ।