କଲମ୍ବୋ,୧୭।୯ : ଏସିଆ କପ ଫାଇନାଲ ମ୍ୟାଚ ରବିବାର ଶ୍ରୀଲଙ୍କାର ଆର ପ୍ରେମଦାସା ଷ୍ଟାଡିୟମରେ ଖେଳାଯିବ। ମ୍ୟାଚରେ ଭାରତ ଶ୍ରୀଲଙ୍କା ଟାଇଟଲ ହାସଲ କରିବାକୁ ଅପରାହ୍ନ ୩ଟାରେ ମୁହାଁମୁହିଁ ହେବେ। ତେବେ ଫାଇନାଲରେ ମଧ୍ୟ ବର୍ଷା ସଙ୍କଟ ରହିଛି।
ପାଣିପାଗ ରିପୋର୍ଟ ଅନୁଯାୟୀ, ରବିବାର କଲମ୍ବୋରେ ଓଭରକାଷ୍ଟ ସ୍ଥିତି ରହିବ। ଏହାର ଅର୍ଥ ପାଗ ମେଘୁଆ ହେବ। ସକାଳେ କିଛି ଅଂଶରେ ବର୍ଷା ହୋଇଥିଲା ଏବଂ ଅପରାହ୍ନରେ ମଧ୍ୟ ବର୍ଷା ହେବାର ସମ୍ଭାବନା ରହିଛି। ଖବର ଅନୁଯାୟୀ, କଲମ୍ବୋରେ ରବିବାର ୯୦ ପ୍ରତିଶତ ବର୍ଷା ଏବଂ ବଜ୍ରପାତର ୫୪ ପ୍ରତିଶତ ସମ୍ଭାବନା ରହିଛି।
ସ୍ଥାନୀୟ ସମୟ ଅନୁଯାୟୀ, ପୂର୍ବାହ୍ନ ୧୦ ଟା, ଅପରାହ୍ନ ୧ ଟା, ସନ୍ଧ୍ୟା ୬ ଟା, ସନ୍ଧ୍ୟା ୮ ଟା ଏବଂ ରାତ୍ର ୧୦ ଟା ସମୟରେ ବଜ୍ରପାତ ହେବାର ସମ୍ଭାବନା ରହିଛି। ମ୍ୟାଚ ଅପରାହ୍ନ ୩ ଟାରୁ ଆରମ୍ଭ ହେବାର କାର୍ଯ୍ୟକ୍ରମ ରହିଛି। ମାତ୍ର ବର୍ଷା ଯୋଗୁ ଏହାର ଆରମ୍ଭ ବିଳମ୍ବ ହୋଇପାରେ ।
ଟିମ ଇଣ୍ଡିଆର ପ୍ଲେଇଙ୍ଗ ୧୧ରେ ରୋହିତ ଶର୍ମା (ଅଧିନାୟକ), କେ.ଏଲ ରାହୁଲ (ଓ୍ବିକେଟ କିପର), ଶୁବମାନ ଗିଲ, ବିରାଟ କୋହଲି, ଇଶାନ କିଶନ, ହାର୍ଦ୍ଦିକ ପାଣ୍ଡ୍ୟା, ରବିନ୍ଦ୍ର ଜାଡେଜା, ଶାର୍ଦ୍ଦୁଲ ଠାକୁର, ଜସପ୍ରୀତ ବୁମ୍ରା, କୁଲଦୀପ ଯାଦବ, ମହମ୍ମଦ ସିରାଜ, ମହମ୍ମଦ ଶାମି, ୱାଶିଂଟନ ସୁନ୍ଦର, ଆୟର, ପ୍ରସାଦ କୃଷ୍ଣ, ତିଲକ ବର୍ମା ପ୍ରମୁଖ ଅଛନ୍ତି।
ସେହିପରି ଶ୍ରୀଲଙ୍କା ପ୍ଲେଇଙ୍ଗ ୧୧ରେ କୁସାଲ ମେଣ୍ଡିସ (ଓ୍ବିକେଟ କିପର), ଦାସୁନ ଶାନାକା (ଅଧିନାୟକ), ପୃଥମ ନିସଙ୍କା, କୁସାଲ ପେରେରା, ସାଡେରା ସମରୱିକ୍ରାମା, ଚାରିଥ ଆସାଲଙ୍କା, ଧନଞ୍ଜୟ ଦେ ସିଲଭା, ଡୁନିଥ ୱେଲାଲେଜ, ପ୍ରମୋଦ ମଦୁଶାନ, ମାଥେଶା ପାଥିରାନା, ସାହନ ଆରଚଞ୍ଚି, ଦୁଷ୍ଣନ ରାଜନ୍ତୀ, , ଡିମୁଥ କରୁଣାତ୍ନେ ଅଛନ୍ତି।