ନୂଆଦିଲ୍ଲୀ, ୧୦।୯ : ରାହୁଲ ଗାନ୍ଧୀଙ୍କ ନେତୃତ୍ୱରେ କଂଗ୍ରେସର ଭାରତ ଯୋଡ ଯାତ୍ରା ତୃତୀୟ ଦିନରେ ପହଞ୍ଚିଛି। କନ୍ୟାକୁମାରୀରେ ଭାରତ ଯୋଡ ଯାତ୍ରା ପାଇଁ କଂଗ୍ରେସ ନେତାମାନେ ପଦଯାତ୍ରା କରୁଛନ୍ତି। ଏହି ସମୟରେ ରାହୁଲ ଗାନ୍ଧୀଙ୍କ ସହ ଲାଲ ରଙ୍ଗର ଶାଢ଼ିରେ ଦେଖାଯାଇଥିବା ଜଣେ ମହିଳାଙ୍କୁ ନେଇ ସୋସିଆଲ ମିଡିଆରେ ଚର୍ଚ୍ଚା ହେଉଛି। ମହିଳା କେବଳ ରାହୁଲଙ୍କୁ ସମର୍ଥନ ଜଣାଇ ଭାରତ ଯୋଡ ଯାତ୍ରାରେ ପଦଯାତ୍ରା କରିଛନ୍ତି।
ଲାଲ ଶାଢ଼ିରେ ଦେଖାଯାଇଥିବା ଏହି ମହିଳାଙ୍କ ନାମ ହେଉଛି ଏମ ବସନ୍ତକୁମାରୀ। ବସନ୍ତକୁମାରୀ ୨୩ ବର୍ଷରୁ ଅଧିକ ସମୟ ଧରି ବସ ଚଳାଉଥିଲେ। ସେ ଏସିଆର ପ୍ରଥମ ମହିଳା ବସ ଡ୍ରାଇଭର। ବସନ୍ତକୁମାରୀ ଚେନ୍ନାଇର ବାସିନ୍ଦା।
ବସନ୍ତକୁମାରୀଙ୍କ ଜୀବନ କଷ୍ଟକର ଥିଲା। ପିଲାଦିନରେ ତାଙ୍କ ମା’ଙ୍କର ମୃତ୍ୟୁ ପରେ ବାପା ଅନ୍ୟ ଜଣେ ମହିଳାଙ୍କୁ ବିବାହ କରିଥିଲେ। ୧୯ ବର୍ଷ ବୟସରେ, ସେ ଜଣେ ବ୍ୟକ୍ତିଙ୍କୁ ବିବାହ କରିଥିଲେ ଯିଏ ପୂର୍ବରୁ ଚାରି ସନ୍ତାନର ପିତା ଥିଲେ। ତାଙ୍କର ଦୁଇଟି ସନ୍ତାନ ମଧ୍ୟ ଅଛନ୍ତି। ସ୍ବାମୀଙ୍କ ବେତନ ଘର ଚଳାଇବା କଷ୍ଟକର ହୋଇପଡିଥିଲା ତେଣୁ ସେ ବସ ଚଳାଇବାକୁ ଚିନ୍ତା କରିଥିଲେ। ଗାଡି ଚଳାଇବା ପାଇଁ ତାଙ୍କର ପୂର୍ବରୁ ଆଗ୍ରହ ଥିଲା, ତେଣୁ ସେ ଏହା କରିବାକୁ ପଛଘୁଞ୍ଚା ଦେଇ ନଥିଲେ । ଏବେ ଭାରତ ଯୋଡ ଯାତ୍ରାରେ ଯୋଗଦେଇ ସେ ସୋସିଆଲ ମିଡ଼ିଆରେ ଚର୍ଚ୍ଚାର କେନ୍ଦ୍ର ପାଲଟିଛନ୍ତି।
