ଆସିକା,୨୮ା୧(ଡି.ଏନ.ଏ.): ଦେଶର ଶ୍ରେଷ୍ଠ ଥାନା ଭାବେ ବିବେଚିତ ଆସିକା ଥାନା ଅଧିକାରୀ ପ୍ରଶାନ୍ତ କୁମାର ସାହୁ ୨୦୨୨ରେ ରାଜ୍ୟପାଳଙ୍କ ମେଡାଲ ହାସଲ କରିଛନ୍ତି। ଗୁରୁବାର ଭୁବନେଶ୍ୱରସ୍ଥିତ ଲୋକସେବା ଭବନ କନଭେନସନ ହଲଠାରେ ଆୟୋଜିତ ଏକ ଉତ୍ସବରେ ରାଜ୍ୟପାଳ ଗଣେଶୀ ଲାଲ ଥାନା ଅଧିକାରୀ ସାହୁଙ୍କୁ ଏହି ମେଡାଲ ଦେଇଥିଲେ। କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ ରାଜ୍ୟ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, ମୁଖ୍ୟ ସଚିବ, ଗୃହ ବିଭାଗ ସଚିବ ଏବଂ ରାଜ୍ୟ ପୋଲିସ ମହାନିର୍ଦ୍ଦେଶକ ପ୍ରମୁଖ ଉପସ୍ଥିତ ଥିଲେ। ସୂଚନାଯୋଗ୍ୟ, ପୂର୍ବରୁ ଥାନାଧିକାରୀ ସାହୁ ୨୦୧୧ରେ ଗଞ୍ଜାମ ଜିଲାର ଶ୍ରେଷ୍ଠ ଅଫିସର, ୨୦୧୨ରେ ଡିଜିପି ମେଡେଲ, ୨୦୧୫ରେ ଆନ୍ତ୍ରିକ ସେବା ମେଡେଲ ଓ ୨୦୨୦ରେ ଚିଫ ମିନିଷ୍ଟର ମେଡାଲରେ ସମ୍ମାନିତ ହୋଇଥିଲେ।
