ଲକ୍ଷ୍ନୌ,୮ ।୧୨: ଉତ୍ତର ପ୍ରଦେଶର ରାମପୁର ଉପନିର୍ବାଚନକୁ ନେଇ ଭୋଟ ଗଣିତି ଗୁରୁବାର ସକାଳୁ ଆରମ୍ଭ ହୋଇଛି । ଏହା ପୂର୍ବରୁ ରାମପୁରର ସମାଜବାଦୀ ପାର୍ଟି ପ୍ରାର୍ଥୀ ଆସିମ ରାଜା ପ୍ରଶାସନ ଉପରେ ବଡ ଅଭିଯୋଗ ଆଣିଛନ୍ତି । ସେ କହିଛନ୍ତି ରାମପୁରରେ ନିର୍ବାଚନ ହୋଇନାହିଁ, ଏଠାରେ ଦ୍ୱିତୀୟ ଥର ଭୋଟିଂ ପାଇଁ ଆମେ ଦାବି କରୁଛୁ ।
ସମାଜବାଦୀ ପ୍ରାର୍ଥୀ ଆସିମ ରାଜା କହିଛନ୍ତି, ନିର୍ବାଚନର ଏକ ପ୍ରୋସେସ ରହିଛି, ଆଶା କରୁଛୁ ଆମେ ନିର୍ବାଚନ ଜିତି ଯିବୁ, ହେଲେ ରାମପୁରରେ ତ ନିର୍ବାଚନ ହୋଇନାହିଁ । ଏଠାରେ କେବଳ ପୋଲିସର ଗୁଣ୍ଡାଗର୍ଦ୍ଦି ଓ ବଦମାସୀ ହୋଇଛି । ଲୋକଙ୍କୁ ଭୋଟ ଦେବାର ସୁଯୋଗ ଦିଆଯାଇନାହିଁ । ନିର୍ବାଚନ କମିଶନଙ୍କୁ ଆମେ ଲେଖିଛୁ ଏଠାରେ ନିର୍ବାଚନ ହୋଇନାହିଁ । ହଜାର ହଜାର ଲୋକଙ୍କୁ ଭୋଟ ଦେବାରୁ ବଞ୍ଚିତ କରାଯାଇଛି ଏମାନଙ୍କୁ ଅଟକାଇ ଦିଆଯାଇଛି । ମୁସଲମାନ ସମ୍ପ୍ରଦାୟକୁ ଟାର୍ଗେଟ କରାଯାଇଛି । ମୁସଲମାନରୁ କେବଳ ୨୨ ପ୍ରତିଶତ ମତଦାନ ହୋଇଛି ।