ପ୍ରାୟ ସମସ୍ତଙ୍କ ଜୀବନରେ ବିବାହ ଏକ ଗୁରୁତ୍ୱପୂର୍ଣ୍ଣ ପର୍ଯ୍ୟାୟ। ବିବାହ କେବଳ ଦୁଇଟି ଦୃଦୟର ମିଳନ ନୁହେଁ ମାତ୍ର ଏହା ୨ ପରିବାର ମିଶ୍ରଣ। ତେଣୁ ଏହା ସହିତ ଜଡିତ କୌଣସି କଥା ପ୍ରତି ଅଣଦେଖା କରିବା ଅନୁଚିତ। ଏ ନେଇ ଉଭୟ ପକ୍ଷ ଉଭୟଙ୍କ ସମ୍ପର୍କରେ ଜାଣିବା ଉଚିତ ଯେପରି ଭବିଷ୍ୟତରେ କୌଣସି ବିଘ୍ନ ନ ଘଟେ। ଏ ନେଇ ମନରେ ଉଙ୍କିମାରୁଥିବା ଅନେକ ପ୍ରଶ୍ନର ଉତ୍ତର ଖୋଜିବାକୁ ଚେଷ୍ଟା କରିବା ଉଚିତ। ଏହା ତୁର ଭାବି ପତ୍ନୀ ସ୍ବାମୀଙ୍କ ବିଷୟରେ ଜାଣିବାକୁ ତୁମକୁ ସାହାଯ୍ୟ କରିବ।
ତେବେ ଜାଣନ୍ତୁ ବିବାହ ପୂର୍ବରୁ ପାର୍ଟନରଙ୍କୁ ପଚାରିବାକୁ ଥିବା ଏହି ପ୍ରଶ୍ନଗୁଡିକ ସମ୍ପର୍କରେ
ବିବାହ ପାଇଁ ଚାପ ଅଛିକି ନାହିଁ
ଅନେକ ସମୟରେ ମନ ଆଉ କାହା ପାଖରେ ଥିଲେ ମଧ୍ୟ ପରିବାର ଲାଗି ଅନ୍ୟତ୍ର ବିବାହ କରିବାକୁ କେହି କେହି ବାଧ୍ୟ ହୋଇଥାନ୍ତି। ଏଭଳି ସ୍ଥଳେ ଚାପରେ ବିବାହ କରିବା ଅପେକ୍ଷା ମନର କଥା ଖୋଲି କହିଦେବା ଭଲ।
ରୋମାନ୍ସ:
ପ୍ରାୟତଃ ବିବାହ ପୂର୍ବରୁ ଏସବୁ ସମ୍ପର୍କରେ କଥା ହେବାକୁ ଲଜ୍ଜା ବୋଧ କରିଥାନ୍ତି। ମାତ୍ର ଏନେଇ ଉଭୟଙ୍କ ମତାମତ ଜାଣି ନେବା ଉଚିତ।
ଫ୍ୟାମିଲ ପ୍ଲାନିଂ
ବିବାହ ପରେ ଅନେକାଂଶ ଘରେ ସନ୍ତାନ ଟିଏ ଚାହିଥାନ୍ତି। ଏ ନେଇ ଉଭୟ ପାର୍ଟନର କ’ଣ ଚିନ୍ତା କରନ୍ତି ସେଥିପ୍ରତି ବିଶେଷ ଦୃଷ୍ଟି ଦେବାକୁ ପଡ଼ିବ। ଉଭୟଙ୍କ ଚିନ୍ତାଧାରା ଏ ସମ୍ପର୍କରେ କେତେ ମିଶୁଛି ତାହା ସହଜରେ ଜାଣି ହେବ।
ଚାକିରି ପାଇଁ ଅନୁମତି
ବିବାହ ପରେ ସ୍ବାମୀ ବା ତାଙ୍କ ଘର ଲୋକ ଆପଣଙ୍କୁ ଚାକିରି ଅନୁମତି ଦେବେ କି ନାହିଁ ସେ ସମ୍ପର୍କରେ ବୁଝି ନେବା ଜରୁରୀ। କାରଣ କେତେକଙ୍କ ପରିବାରରେ ମହିଳାଙ୍କୁ ଚାକିର ଲାଗି ଅନୁମତି ମିଳି ନ ଥାଏ। ଏହି କଥା ବିବାହ ପରେ ଜଣା ପଡ଼ିଲେ ବେଶି କଷ୍ଟ ଲାଗିଥାଏ।
ପସନ୍ଦ ନା ପସନ୍ଦ :
ବିବାହ ପୂର୍ବରୁ ପାର୍ଟନରଙ୍କ ପସନ୍ଦ ନାପସନ୍ଦ ସମ୍ପର୍କରେ ପଚାରି ଜାଣନ୍ତୁ। ଅନେକ ସମୟରେ ଏହା ତାଙ୍କୁ ବା ତାଙ୍କ ସମ୍ପର୍କିତ ଅନେକ ତଥ୍ୟ ଜାଣିବାରେ ସାହାଯ୍ୟ କରିଥାଏ।